一樂日本料理 (Closed)

預先打定電話去book 位， 夜晚6點準時入座。 雖然只有3個人去但都可以坐5-6人卓，比以前食過其他放題餐廳坐得舒服d。睇落都有大桌，8，9個人黎都可以一齊坐。餐廳用手機入wechat 點菜，唔駛好似平時放題咁寫紙，方便又環保。店員服務態度都幾好收碟收得好快，仲準備埋其他碟。 壽司細細舊好易入口，唔駛驚食飯食到飽，而且有好多種，建議每樣叫少少可以試多幾款。刺身都好新鮮同厚切，尤其係吞拿魚同三文魚! 個人最鍾意帶子同甜蝦! 雞翼，翠玉瓜，燒菠蘿，牛舌都好正，燒得好香好入味。牛舌可以番叫👍 強烈推薦炸榴槤, 上菜10分鐘個流心都仲熱，而且好重榴槤味。 三個人都鍾意食榴槤，每人食左3粒。食到最後先知原來餐廳另一邊仲有另一個自座bar , 有d 即煮熟食。如果唔想食咁多生冷野都有唔少選擇換下口味。甜品都有好多，西式中式都有，岩晒鍾意食甜野的朋友。最後仲有細杯 haagendazs 雪樣送 !不過只有兩隻味選擇。整體黎講都好扺食 ，值得一試!