雲南啊老表黑山羊湯鍋米綫 (Moved) New Location

見到佐敦有間評價唔錯既羊肉米線就決定一試 (三哥，雲南米線等比較少有羊肉)。可能太早去到，6點左右都只係得幾枱客人。當日唔太餓，2個人叫了一碗羊牛雙併大碗米線($60，加$1要酸菜，再加$8一罐可樂)，雙併唔需要加錢，第一次食緊係要試哂2款酸菜係餐牌上無既，都係睇其他食評推介落單過左幾分鐘就有得食，大碗米線比三哥過橋米線仲大碗，米線份量都好足夠，羊肉牛肉條都好多，好似食極都仲有咁。個人覺得帶皮羊肉比牛肉好味，羊肉煮到好"諗"，無羊羶味。相比下，牛腩就有d遜色，好似食緊豬肉咁，但又唔係真係好差。不過下次應該都係叫單餸羊肉米線$60既價錢有尼個份量同質素真係好抵食另外見列有食評介紹餃子都好抵食(好似係大概$30有10隻餃子)，下次一定要試下。仲想試埋加$1既酸辣湯底侍應上菜時主動拎左２隻細碗俾我地唔好既係門口長期開住，冷氣唔係好夠涼。食野既時候仲有幾隻蚊滋仔飛過...