蘭苑燒臘餐廳

Open Now

Now Closed

⭐️今日獨個兒響旺角買裝修物料，經過「蘭苑」直沖入去，細個果陣媽咪帶我嚟，好有童年回憶，裝修擺設好似無嘜改動，好懷念😂老闆娘介紹燒味飯、車仔麵，叫咗個4餸車仔麵同凍OT🥤期待食返以前嘅味道👅四餸包括左雞翼、釀茄子、豬紅、魚蛋:🍗雞翼有豉油王定滷水汁嘅濃香，一口咬落去骨肉分離，滷得非常軟腍；🍆釀茄子好足魚肉䱤，入口回彈，肉汁充滿了茄子，好juicy; 🫘最讚係豬紅，入口即溶，味道濃香，出邊好難食到呢種香料味，食得出老板有心機醃；🌶️辣椒油係老板親自醃製，別樹一格嘅濃郁香味，喜歡辣嘅萬萬不能錯過。😆埋單$58（開心價）店子雖然陳舊，卻人情味搭夠，平日2:00座無虛席，全部都係老街坊、裝修師傅，全靠老板多年嚟用心經營，價錢實惠，多年嚟都好生意，好難得嘅一間隱世小店。