河內越式湯粉

Open Now

Now Closed

女朋友話掛住胡志明市嘅美食，於是我哋今晚喺尖沙咀搵咗間好多人食嘅越南餐廳，外賣返屋企慢慢嘆美食😻。.我哋先叫咗一個順化蝦餅撈檬（$64）。蝦餅🦐彈牙而且鮮味。撈檬加上生菜絲同埋紅蘿蔔絲，食落飽肚又清新。值得一讚係份量好多，呢個價錢來講都幾抵食。.羅望子冰（$28）係平時比較少見嘅飲品，酸酸甜甜幾開胃😋。同埋佢哋落咗好多羅望子，所以就算啲冰融化晒，味道不至於變得太淡。我哋亦叫咗一個越式河內三寶飯（$70）。選擇困難嘅人一定要揀呢個幾好三寶，包括有雞翼、豬扒、扎肉。.雞翼同埋豬扒入味，但唔太鹹，而且表面好香脆☺️。豬扒好大塊，肉質仲好鬆軟。