亞蘇爾 (形點) (Closed)

平日夜晚同朋友行喺Yoho，大家都諗唔到食咩，求其行過，就打算行入去試試葡國菜。點知，就中咗大伏🤢我哋一行三人叫咗一個二人餐加一個主菜。小食拼盤成個感覺都係不過不失。佢個奶油脆豬已經淋左，一啲脆嘅感覺都冇。然後個馬介休薯波，唔講真係以為係普通嘅薯波，一啲味都無🧐個乳豬已經係全晚最好食，皮脆肉都嫩，但有一兩舊都幾肥，但已經算係咁🙃呢碟非洲雞真係全晚最恐怖，一上台我哋已經你眼望我眼，因為隻雞真係又黑又燶。一開始我哋都以為賣相黎嫁姐，咁就分三份啦。用刀切都有難度，相當費力，我已經心知不妙。一放入口，真係燶到有苦味，然後個硬度真係媲美黑碳，咔咔聲，真係🤢最後我哋忍唔住問侍應，平時碟雞都係咁嫁？可能因為趕住收鋪，侍應只係表示下次如果覺得有問題，可以叫佢哋換。但係我哋心諗，仲點會有下次。成餐飯我哋三個人，平均一人食咗$250 ，但最後竟然係食硬過炭嘅雞，都真係唔知好嬲定好笑。