Video
Read full review
2014-11-27
10951 views
ZAKS位於愉景灣，對於市區人黎講真係遠到不能再遠，要不是朝早同朋友去迪欣湖影相，出黎時又心癢癢想食餐好，我諗都冇咩機會會山長水遠入黎食喇！(利申：第1次入愉景灣) 同行朋友早就食過ZAKS，話味道好、景觀好、份量大又夠哂relax，於是我地三個人不顧車費有幾貴都照碌左入黎由於入到黎已經下晝4點，我地夜晚又會返去食飯，於是只叫了一個pasta同side dish，免得食太飽搞到夜晚食唔落飯。Menu好多野都好吸引，最後我地揀左 Carbonara同加 $50叫了個 Chips醫肚！French Chips坐左一陣個薯條就黎到喇，真係如朋友所言，以為side dish會好細，點知黎到真係幾大份，仲要係我最中意嘅粗薯條！食落熱辣辣，應該係新鮮炸好，又唔會太燶啱啱好，而且食到「薯」味架，啱哂我呢啲薯王Fettuccine Carbonara再黎就係Carbonara，一上又係大家都話好大碟，標準American外國protion，正常一個香港人食一個真係飽到喊。講番味道，Cheese味濃，落煙肉毫不手軟，又大塊又多，但個人覺得煙肉size略大，細少少會好啲。麵條唔會太焾（我中意食硬身啲），夠
由於入到黎已經下晝4點，我地夜晚又會返去食飯，於是只叫了一個pasta同side dish，免得食太飽搞到夜晚食唔落飯。Menu好多野都好吸引，最後我地揀左 Carbonara同加 $50叫了個 Chips醫肚！
French Chips坐左一陣個薯條就黎到喇，真係如朋友所言，以為side dish會好細，點知黎到真係幾大份，仲要係我最中意嘅粗薯條！食落熱辣辣，應該係新鮮炸好，又唔會太燶啱啱好，而且食到「薯」味架，啱哂我呢啲薯王
Fettuccine Carbonara再黎就係Carbonara，一上又係大家都話好大碟，標準American外國protion，正常一個香港人食一個真係飽到喊。講番味道，Cheese味濃，落煙肉毫不手軟，又大塊又多，但個人覺得煙肉size略大，細少少會好啲。麵條唔會太焾（我中意食硬身啲），夠al dente，配埋個汁同煙肉好味到暈！
呢度個環境真係好正，睇住個海同朋友一邊傾計一邊食好野，仲唔係視覺Ｘ味覺享受？朋友話呢度夜晚仲可以遠望迪士尼煙花，好想下次入黑後黎睇住煙花再嘆呀！
最後我地埋單總數$204，每人$68，淨係個環境都值回票價。另外再提大家呢度啲野份量真係好大，我地見到有一對情侶同我地樣再叫多左個salad食唔哂剩番好多，不過睇openrice好似係比打包的，咁食唔哂都唔駛浪費食物啦，尤其是咁好食
下次應該搵個假日早啲入黎係沙灘坐下，再去食個lunch或者dinner，咁就值回票價！
我地食完再行左一兩個鐘，天黑時經過仲見到pair情侶係度，睇黎間野都唔趕人，下次黎真係要慢慢嘆個靚景同食物，我已經定左下次target係mushroom risotto架喇！
Post
