Video
Read full review
2019-12-10
775 views
都市人有幾何可以輕鬆悠閒地吃個早餐 😂今朝去開第一城附近，就諗起朋友介紹過的cafe果然係一間值得大大力支持的店呢 👍menu好多選擇，花多眼亂難得嚟到，原本想試吓d begal呀之類豐富的食物，或者遲少少再過嚟食pasta呀當早d食lunch11點半前仲有早餐，那就清清地食個簡單的早餐吧 😜講返食物越簡單越見水準有時複雜的食物可以用濃味、花巧擺設去彌補稍有失準的時候滑蛋向來係我的至愛滑溜的texture剛剛好，亦有蛋味賣相如圖，形狀與色澤都吸引，底部剛熟稍為成形，可托起上面的滑蛋，食起上嚟唔會好輪盡（有時有d店的炒滑蛋係會一pat就算，直頭好似用唔到叉食咁，有d就熟到太熟，只要表面薄薄一層滑蛋，而底部都是熟的，好實在的texture，一入口就會覺得好失望）個wrap就正路味道，餅皮有d咬口，我會想再薄d，純粹我個人喜好 😄沙律菜有d驚喜因為覺得好新鮮，so fresh! 😎通常一般食店的沙律菜，好多時都會“乾爭爭”，或者有傷痕的菜，甚至個樣已經“梅梅地”，好似擺咗好耐咁，雪咗好耐咁個wrap同沙律菜都好新鮮的樣子，覺得好難得，有感動 😂😂😂最後講咖啡其實最先送到，擺低果時已經覺得幾香
今朝去開第一城附近，就諗起朋友介紹過的cafe
果然係一間值得大大力支持的店呢 👍
menu好多選擇，花多眼亂
難得嚟到，原本想試吓d begal呀之類豐富的食物，或者遲少少再過嚟食pasta呀當早d食lunch
11點半前仲有早餐，那就清清地食個簡單的早餐吧 😜
講返食物
越簡單越見水準
有時複雜的食物可以用濃味、花巧擺設去彌補稍有失準的時候
滑蛋向來係我的至愛
滑溜的texture剛剛好，亦有蛋味
賣相如圖，形狀與色澤都吸引，底部剛熟稍為成形，可托起上面的滑蛋，食起上嚟唔會好輪盡（有時有d店的炒滑蛋係會一pat就算，直頭好似用唔到叉食咁，有d就熟到太熟，只要表面薄薄一層滑蛋，而底部都是熟的，好實在的texture，一入口就會覺得好失望）
個wrap就正路味道，餅皮有d咬口，我會想再薄d，純粹我個人喜好 😄
沙律菜有d驚喜
因為覺得好新鮮，so fresh! 😎
通常一般食店的沙律菜，好多時都會“乾爭爭”，或者有傷痕的菜，甚至個樣已經“梅梅地”，好似擺咗好耐咁，雪咗好耐咁
個wrap同沙律菜都好新鮮的樣子，覺得好難得，有感動 😂😂😂
最後講咖啡
其實最先送到，擺低果時已經覺得幾香
飲一口先，嗯，唔錯啊 😎
冇奶冇糖就飲到咖啡的真味道
食完d食物，再飲杯咖啡，冇乜變味，nice
（最怕d咖啡稍為擺耐咗就變味，走晒香氣之餘連味道都有酸呀澀呀多餘的味道影響）
始終咖啡用mug上係最好
起碼保溫都好d，味道唔會咁易受溫度影響，而且環保d嘛 😉
整體食物飲品都好好
環境比較開揚，附近多人行過 😅
一來附近係商場通道同埋出入口，二來隔離就係hsbc理財中心同埋港鐵特惠站
好多人行來拍咭同埋出入銀行
用餐設施都企理乾淨
貼心的地方係有d位有坐墊 ❤
雖然大部份位都係硬板凳 🙈
同埋刀叉匙等用具係自己去拎
店員有溫提 👏
對於我呢d第一次嚟又一個人嚟食嘅就好重要，唔洗行多轉出去拎，落完order就可以拎埋跟住搵個靚位坐
後記：可以咁得閒打咁多字，就知有幾悠閒 🤣🤣🤣
Post
