牧羊少年咖啡館 (白楊街)

Open Now

Now Closed

同朋友食生日飯，佢突然好想食返牧羊少年，就去返多年前去過嘅本店食飯。入去見到新裝修好靚，但有少少唔認得，記得以前會請嘉賓分享旅遊大小事，唔知而家仲有冇呢。鮮忌廉黑松露醬雜菌長通粉（$78加一）上枱睇落好似有D寡，但食落黑松露醬味道幾香濃，調味唔錯。香煎加拿大保濕豬鞍配蘋果泥（$158加一）豬鞍肉質軟嫩，切開仲有少少粉紅，非常juicy，可惜有少少鹹，不過點返清新酸甜嘅蘋果泥都算可以平衡，呢個推薦！京都春日（草莓窩夫配雲呢拿雪糕，$108加一）個窩夫即叫即整，外脆內軟，士多啤梨唔酸，幾好食。