Video
Read full review
2020-05-31
445 views
和老公來西營盤攞口罩，之後一齊去搵食。本來打算去英華臺食蒸鵝，原來店舖已經結業，同一位置新開咗間越南餐廳，反正未幫襯過，一於試下。店子中型大小，座位看起來亦算闊落，灰白色牆身再襯以黑色餐桌，風格簡約，完全沒有繁瑣的裝潢，實用之餘，也富設計感。餐牌分食品和飲品兩份，食品分九大類，有前菜、米紙卷、沙律、越南法包、炒菜、主菜、湯河粉、撈檬和濱海，款式都幾多。點咗豬扒湯河、越式雞、馬拉盞通菜同飲品。先吃香茅豬扒湯河 ($68)，湯底味道唔錯，幾清甜、香而不濁。河粉係比較幼身嗰種，入口非常滑溜，而且分量頗多，足夠兩個人分享。豬扒炸得十分金黃，加上送來時已切成一件件，非常方便食用。一口咬下，肉質很鬆化，有爆汁感覺，而且一點也不油膩，香茅味十足。越式雞 ($56/例) 有半隻同例牌可供選擇。揀咗例牌，估唔到都幾大碟，分量不少。雞肉很嫩滑，皮唔算肥，入口雞味濃郁，唔使蘸點醬汁吃，已經好夠味。馬拉盞炒通菜 ($60) 通菜炒得幾有水準，鹹香惹味又帶少少辣，而且入口非常爽脆、完全無渣，咬落索索聲！最後以飲品作結，老公點咗越南滴漏咖啡 ($38) 而我就揀咗杯青檸梳打 ($24)。滴漏咖啡據說味道不錯
和老公來西營盤攞口罩，之後一齊去搵食。本來打算去英華臺食蒸鵝，原來店舖已經結業，同一位置新開咗間越南餐廳，反正未幫襯過，一於試下。
店子中型大小，座位看起來亦算闊落，灰白色牆身再襯以黑色餐桌，風格簡約，完全沒有繁瑣的裝潢，實用之餘，也富設計感。
餐牌分食品和飲品兩份，食品分九大類，有前菜、米紙卷、沙律、越南法包、炒菜、主菜、湯河粉、撈檬和濱海，款式都幾多。點咗豬扒湯河、越式雞、馬拉盞通菜同飲品。
先吃香茅豬扒湯河 ($68)，湯底味道唔錯，幾清甜、香而不濁。河粉係比較幼身嗰種，入口非常滑溜，而且分量頗多，足夠兩個人分享。豬扒炸得十分金黃，加上送來時已切成一件件，非常方便食用。一口咬下，肉質很鬆化，有爆汁感覺，而且一點也不油膩，香茅味十足。
越式雞 ($56/例) 有半隻同例牌可供選擇。揀咗例牌，估唔到都幾大碟，分量不少。雞肉很嫩滑，皮唔算肥，入口雞味濃郁，唔使蘸點醬汁吃，已經好夠味。
馬拉盞炒通菜 ($60) 通菜炒得幾有水準，鹹香惹味又帶少少辣，而且入口非常爽脆、完全無渣，咬落索索聲！
最後以飲品作結，老公點咗越南滴漏咖啡 ($38) 而我就揀咗杯青檸梳打 ($24)。滴漏咖啡據說味道不錯，香味濃郁醇厚，略帶苦澀回甘，啱曬身邊的「咖啡控」；而青檸梳打嘅青檸味亦恰到好處，不會太酸，好啱我口味。
Post
