Big John (Closed)

是日早上我休息覆診，老婆則是下午見醫生，兩口子同一天多一天半日假期，正好二人世界，在中午偷得浮生。先吃過星座冰室（詳見另一食評），老婆話唔夠飽 + 口痕，想食ｄ小食，腦中即閃過這間Big John格仔餅。中午時間人幾多，第一次在這時間只叫一客格仔餅，心想會唔會在中午時間唔做呢ｄ單呢？答案是可以的。單點格仔餅要$20，下單時靚女問我要唔要餐，一問之下餐加杯熱飲只是$25，熱檸蜜都唔駛加錢那當然轉餐了。單點格仔餅感覺比較貴，但轉成餐後就合理了。正價的格仔餅是兩大件，對比起上次我叫餐是只得一件，來得也比旁邊的比較快，原因應該是因為餐格仔餅都是叫才起吧。格仔餅整得香，皮帶點脆，內裡的蛋漿則咬落帶點黐身，依舊是有水準；呢度的格仔餅以花生醬為主，咬下去有粒粒花生，再配少少類似煉奶醬，的確是令人食過翻尋味。熱檸蜜則比較古怪，無乜蜜味，似熱檸茶多過熱檸蜜，雖然佢拎黎時係話熱檸蜜，但我是認為佢俾錯的，不過老婆都話係熱檸蜜。點都好，檸檬幾靚，所以不覺酸，不錯的。兩個人食件格仔餅都無特別趕我地走，慢慢食，在悠閒的假期倍覺寫意。走時由ISQUARE轉出去地鐵，第一次偶遇「美男時計」街頭拍攝，原來，攝影師也是美