貓館 (Closed)

旺角太多野食，試得地舖多，都有時想試下樓上舖，今次俾樓梯口塊牌入面隻貓吸引左我上呢間catfe~上去0既樓梯都比較殘破，有個伯伯剛剛落樓，撐住拐杖都有d危險0既感覺呢~入到catfe，一位年約廿多歲0既四眼男生好有禮貌咁同我講「歡迎光臨」然後帶我入裡面「請隨便坐」，沿途見到三隻貓，都0係一間對住門口0既房入面訓緊，KAWAII!!!我坐進舒服0既sofa凳上，男生遞上menu「睇下要食d咩~」我點了海鮮意粉+熱朱古力，呢度有悠閒0既外地音樂播放，令人感覺好舒服，睇番未睇完0既書，用畫有好多隻貓貓圖案0既杯裝住朱古力，好濃郁0既朱古力味，好飲~再過5、6分鐘，意粉上檯，都幾大碟，海鮮有青口、蝦、蟹柳、墨魚，都幾豐富，意粉仲幾有彈性，幾索汁，味道唔錯，食野期間，有兩隻貓出黎行黎行去望黎望去好似巡視咁，鍾意貓0既人會enjoy呢個環節，食完個意粉，一邊細味杯朱古力，一邊睇住書，又冇人催趕，真係難得0既悠閒時光呢~最意外0既係呢度可以用八達通俾錢架，好好~收銀哥哥都係好有禮貌0既呢~