Video
Read full review
2019-07-17
685 views
由於最近都係石門工作嘅關係，每日幾乎都會試到新嘅餐廳。今日黎到位於京瑞商場一期一樓嘅cafe。一上扶手電梯就見到，餐廳空間好大好寬敞，廚房係半開放式嘅，座位用嘅係梳化椅，可以坐得好舒服。不過同附近嘅餐廳相比之下呢度嘅午餐價錢偏貴，初頭都有啲卻步。午餐set包左沙律、餐湯、主菜同是日甜品，係一個迷你西餐，成個餐用托盤一次過上，賣相都幾吸引。沙律係簡單嘅黑醋撈沙律菜，好新鮮清爽。是日餐湯係蕃茄薯仔湯，入面有好多湯渣好足料，薯仔粒好淋，味道濃郁。芝麻醬煙三文魚冷麵大熱天時最啱食冷麵，雖然成個麵嘅份量好少，不過材料好豐富，有火腿絲同生菜絲，芝麻醬嘅份量亦恰到好處，成個麵好夠凍，麵質亦幾彈牙唯獨主角煙三文魚得兩塊，有啲吝嗇🙈是日甜品：芝士凍餅凍餅細細舊好的骰，芝士餅好creamy，食落有淡淡的檸檬香味，不過餅底太薄，一切就碎。🍹凍朱古力套餐仲包左一杯$24以下嘅無酒精飲品，如果想試吓特色啲嘅飲品就要額外補番差價喇。雖然呢度嘅服務態度好好環境又舒服，不過以食物嘅份量同價錢黎講性價比就偏低喇，偶然豪下就可以嘅
今日黎到位於京瑞商場一期一樓嘅cafe。一上扶手電梯就見到，餐廳空間好大好寬敞，廚房係半開放式嘅，座位用嘅係梳化椅，可以坐得好舒服。不過同附近嘅餐廳相比之下呢度嘅午餐價錢偏貴，初頭都有啲卻步。
午餐set包左沙律、餐湯、主菜同是日甜品，係一個迷你西餐，成個餐用托盤一次過上，賣相都幾吸引。
10 views
0 likes
0 comments
沙律係簡單嘅黑醋撈沙律菜，好新鮮清爽。是日餐湯係蕃茄薯仔湯，入面有好多湯渣好足料，薯仔粒好淋，味道濃郁。
芝麻醬煙三文魚冷麵
芝麻醬煙三文魚冷麵
18 views
0 likes
0 comments
大熱天時最啱食冷麵，雖然成個麵嘅份量好少，不過材料好豐富，有火腿絲同生菜絲，芝麻醬嘅份量亦恰到好處，成個麵好夠凍，麵質亦幾彈牙唯獨主角煙三文魚得兩塊，有啲吝嗇🙈
是日甜品：芝士凍餅
凍餅細細舊好的骰，芝士餅好creamy，食落有淡淡的檸檬香味，不過餅底太薄，一切就碎。
🍹凍朱古力
套餐仲包左一杯$24以下嘅無酒精飲品，如果想試吓特色啲嘅飲品就要額外補番差價喇。
雖然呢度嘅服務態度好好環境又舒服，不過以食物嘅份量同價錢黎講性價比就偏低喇，偶然豪下就可以嘅
Post
