Video
Read full review
2005-06-07
11 views
要出席官式應酬活動，連太座都要出動埋，之後例牌要去搵野食。在蘇豪的多個選擇中，太座對這間西班牙菜幾有興趣，就來試下。呢度其實唔係好大，星期中的非旺日，都有幾檯客人，生意看來不錯。燈光偏暗，亦有人唱歌，情調唔錯。可惜近窗口的兩個靚位都有人訂了，我們就坐在餐廳入面。來了一盤法包，外皮脆內軟熟，幾掂。先叫兩杯生啤，幾碟小吃，必有的是西班牙香腸﹝Chorizo a la Plancha﹞、焗蕃茄芝士茄子﹝Berejenas a la Horno﹞及烤羊肉﹝Cordero a la Plancha﹞。西班牙香腸似我們的臘腸，齋吃幾鹹，但烤過夠香口，送啤酒一流，是的我最喜愛的tapas之一；焗蕃茄芝士茄子味道不錯，又係幾有香味，用來送附送的法包就最適合；烤羊肉不錯，但論風味就不及烤香腸，不過也是稱職的送酒菜。主菜要了個招牌海鮮大鑊飯﹝Paella Misto Estilo Ricos﹞，份量好足夠，材料亦豐富，海鮮方面，有青口、蝦、魷魚，另外亦有雞肉，西班牙香腸，及各式配菜，舖滿一碟，幾有睇頭。米飯幾有咬口，紅紅的當然用的是平價花紅粉，味道不過鹹，很不錯，說是招牌飯，都算有水準；配料方面，青口鮮嫩
來了一盤法包，外皮脆內軟熟，幾掂。先叫兩杯生啤，幾碟小吃，必有的是西班牙香腸﹝Chorizo a la Plancha﹞、焗蕃茄芝士茄子﹝Berejenas a la Horno﹞及烤羊肉﹝Cordero a la Plancha﹞。西班牙香腸似我們的臘腸，齋吃幾鹹，但烤過夠香口，送啤酒一流，是的我最喜愛的tapas之一；焗蕃茄芝士茄子味道不錯，又係幾有香味，用來送附送的法包就最適合；烤羊肉不錯，但論風味就不及烤香腸，不過也是稱職的送酒菜。
主菜要了個招牌海鮮大鑊飯﹝Paella Misto Estilo Ricos﹞，份量好足夠，材料亦豐富，海鮮方面，有青口、蝦、魷魚，另外亦有雞肉，西班牙香腸，及各式配菜，舖滿一碟，幾有睇頭。米飯幾有咬口，紅紅的當然用的是平價花紅粉，味道不過鹹，很不錯，說是招牌飯，都算有水準；配料方面，青口鮮嫩好味，蝦亦幾新鮮爽口，雞肉就非常一般。份量足夠，二人吃來吃去也吃不完。這個Paella，都食得過。
生啤飲完，叫了半瓶Sangria來等吃甜品。今晚難得大家都有興致，就一人叫了一個甜品，分別是火焰雪糕Francisanco及招牌焦糖吉士Crema Catalana a la Ricos。以為的個火焰雪糕會見到火，原來是炸雪糕加朱古力漿，炸皮還不算厚，味道不錯，不過食完幾飽；太座吃的焦糖吉士佢話好香甜，只試了一小口，我就覺得太甜，幾濃郁的。
幾位女侍應服務都算不錯，一叫即來。
名副其實的飲飽食醉，埋單七百七十八蚊，唔係平，但地方好食物又有水準，都算食得幾滿意。
Post
