Video
Read full review
2019-07-29
39 views
聽朋友講大埔有一間西餐廳好有水準， 所以今日趁早少少收工就入到大埔準備試一試佢哋嘅食物。 餐廳距離太和火車站都有一段路程，所以我同朋友選擇左搭的士去。 一落車就見到有一間裝修得非常有格調嘅餐廳， 佢哋舖頭入面佢哋舖頭入面採用咗暗黃淡光，非常適合情侶又或者一班好朋友入去傾密偈友。 呢間餐廳嘅裝潢， 可以拍得上中環蘇豪區任何一間出名嘅酒吧餐廳。我同朋友坐低之後，打開餐牌。 嘢食嘅餐牌有兩份四版，主要分pizza，漢堡，主食，沙律和小食， 仲有非常推介嘅意大利飯和意大利粉。 嘢飲方面，驚喜嘅係佢哋有提供日本酒，亦都有一啲自家創作嘅雞尾酒。 最後我哋挑選了三個食物， 分別係避風塘雞翼， 美國安格斯牛肉煎蛋芝士煙肉漢堡伴薯條同埋 魷魚西班牙辣肉腸燒南瓜法邊豆鹹蛋黃意大利飯伴輕煎北海道帶子。 嘢飲方面揀咗佢哋自家嘅雞尾酒分別係My cup of tea 同King can.避風塘雞翼 ($88)呢味菜非常有驚喜，估唔到係一間酒吧西餐廳亦都食到一啲中式風味嘅炸雞翼。 而且佢個避風塘配料炒得非常有水準，香口而且不太辣， 做第一道菜亦好開胃， 比起平時你喺酒吧嗌普通水牛城雞翼或者蜜糖雞翼更加有新鮮感。
聽朋友講大埔有一間西餐廳好有水準， 所以今日趁早少少收工就入到大埔準備試一試佢哋嘅食物。 餐廳距離太和火車站都有一段路程，所以我同朋友選擇左搭的士去。 一落車就見到有一間裝修得非常有格調嘅餐廳， 佢哋舖頭入面佢哋舖頭入面採用咗暗黃淡光，非常適合情侶又或者一班好朋友入去傾密偈友。 呢間餐廳嘅裝潢， 可以拍得上中環蘇豪區任何一間出名嘅酒吧餐廳。
我同朋友坐低之後，打開餐牌。 嘢食嘅餐牌有兩份四版，主要分pizza，漢堡，主食，沙律和小食， 仲有非常推介嘅意大利飯和意大利粉。 嘢飲方面，驚喜嘅係佢哋有提供日本酒，亦都有一啲自家創作嘅雞尾酒。
最後我哋挑選了三個食物， 分別係避風塘雞翼， 美國安格斯牛肉煎蛋芝士煙肉漢堡伴薯條同埋 魷魚西班牙辣肉腸燒南瓜法邊豆鹹蛋黃意大利飯伴輕煎北海道帶子。 嘢飲方面揀咗佢哋自家嘅雞尾酒分別係My cup of tea 同King can.
避風塘雞翼 ($88)
呢味菜非常有驚喜，估唔到係一間酒吧西餐廳亦都食到一啲中式風味嘅炸雞翼。 而且佢個避風塘配料炒得非常有水準，香口而且不太辣， 做第一道菜亦好開胃， 比起平時你喺酒吧嗌普通水牛城雞翼或者蜜糖雞翼更加有新鮮感。 雞雞翼上菜時亦非常熱辣辣和脆卜卜。🤤🤤
美國安格斯牛肉煎蛋芝士煙肉漢堡伴薯條($128)
漢堡在香港受歡迎嘅程度， 實在唔需要我喺度再強調。 但係呢間餐廳嘅漢堡絕對係我今晚最喜歡的一道菜， 可以話佢比最近喺香港新開兩間火熱漢堡連鎖店嘅漢堡包更為好味。 我自己我自己本身食漢堡非常著重包同埋嗰塊扒。The right place 呢個招牌漢堡包可以俾你選擇安格斯牛漢堡煮到幾成熟， 我選擇了五成熟，一口咬下嘅時候啲肉汁非常美味，就好似你喺高級餐廳食牛扒一樣。 而且佢嘅包焗得啱啱好，亦都不會有搽上太多嘅牛油令到飽身變淋。 佢哋亦都冇喺漢堡包落過多搶味嘅醬汁，鍾意食原汁原味牛肉漢堡嘅朋友一定要試呢一個漢堡。
魷魚西班牙辣肉腸燒南瓜法邊豆鹹蛋黃意大利飯伴輕煎北海道帶子($198)
意大利飯亦都係呢間餐廳嘅招牌菜。 今次我試呢個菜佢加咗鹹蛋黃，同普通出面食開傳統嘅意大利飯比係有新鮮感， 但係略嫌喺飯中加上太多配料。 個意大利飯本身煮得好好味，假如可以減少少少配料應該會更加好食。
My cup of tea ($94)
Kingcan ($62)
最後簡單評價兩杯雞尾酒，佢哋嘅調酒師非常慷慨，兩杯雞尾酒入面喝到嘅酒精應該比出面嘅高。 味道亦比較新穎同埋特別，鍾意飲酒嘅人可不妨一試。
總括而言呢間餐廳畀我嘅感覺係一間非常舒服價錢合理但水準高嘅酒吧西餐廳， 入面嘅菜式亦都非常有驚喜和好味， 假如經過附近可以再去食。
Post
