NUTTEA (兆英商業大廈)

Open Now

Now Closed

堅果奶喺國外似乎已有熱潮，但喺香港，只喺剛起步階段。但因為堅果奶嘅健康理念，成名只喺遲早嘅事。近來喺愈黎愈多關注健康嘅風氣下，身邊都有唔少朋友試咗呢啲新興嘅健康飲品小食。今次我就黎到呢度飲堅果奶，扮一扮我亦是健康之人。(笑，明明自己周圍搵食，肚仔都大到懷有身孕咁)上網查了一查，堅果奶茶是將夏威夷果、杏仁、榛果、核桃和腰果溫火烤焙後，冷壓磨漿而成的植物奶。不含動物基因嘅奶茶，連食齋嘅朋友都岩飲。NUTTEA主打堅果奶，其中佢哋餐牌就有幾款嘅推介。▧ 粉紅莓好堅果奶蓋茶一開始就比少女粉紅吸引著。拎上手，滿滿幸福感哦~最上層奶蓋與一般奶蓋不同，明顯較厚實。堅果顆粒，同少量士多啤梨果蓉喺奶蓋之中，提供好豐富嘅口感。奶蓋味道不會死甜，反而喺後段滲出香濃堅果香。鋪頭提供小鏟子比大家舀口奶蓋再喝茶，與攪拌嚟飲嘅口感大有不同的哦。▧ 芒芒堅果奶入口第一口，嘩，很熟悉嘅感覺？早前結業嘅許xx，曾是以前中學大學嘅回憶。神奇嘅喺，竟然喺呢度尋回？沒這麼誇張喇，只是剛入口味道有點相似。後段一樣，堅果奶香不斷滲出，好神奇嘅感覺。