麵屋黑岩

Open Now

Now Closed

同老公係深水埗買完野就順便搵食醫肚，經過一間富有日式裝潢既拉麵店就決定入去試試，餐牌內有六款味道再加期間限定口味既拉麵，而拉麵可以選擇軟硬度，叉燒可選厚或燒炙，而配菜則可揀耶菜或蔥。海老拉麵賣相已經相當豐富吸引、面層佈滿櫻花蝦同火炙叉燒差不多半寸厚，厚厚既叉燒口感軟滑帶點火灸焦香味配合埋濃濃蝦味絕對係美味配搭，而另加既糖心蛋，軟淋淋既蛋心配合上濃味既湯底恰到好處。而黑蒜拉麵來既時候已聞到好香蒜味，除左好厚身既叉燒再加上粒粒肉碎配合埋豬骨湯底更顯出濃厚香味，特別一提店舖用上較幼身麵底，絕對係吸收到湯底味道而份外好食。