味火鍋 (雅仕洋樓)

一年365日都係打邊爐日子，我最鍾意發掘唔同嘅火鍋店，睇下邊間抵食又多選擇😄 今次黎到尖沙咀味火鍋，佢嘅套餐standard $318一位，包左4部曲，仲要無限時，性價比幾高。第一部曲先揀頭盤，唔好以為係hea底野，估唔到有焗龍蝦焗生蠔😱 我同朋友叫左龍蝦生蠔各一份，龍蝦有半隻生蠔就3隻，滿滿嘅芝士焗過，熱辣辣上枱，龍蝦同生蠔都肉質肥味，非常滿意嘅第一部曲😇第二部曲就係揀湯底，都有成10款可揀，我地揀左滋補嘅花膠竹絲雞鍋，有半隻竹絲雞比你落落湯度慢慢熬湯，仲有幾大舊花膠添😋第三部曲就係火鍋用嘅海鮮拼盤同安格斯牛肉拼盤🥩🦐 海鮮拼盤真係震撼，有大概8款時令海鮮，全部都好新鮮，我最欣賞係大蝦同鮑魚，煮完之後個湯仲好有鮮味添😗食完頭三部曲都已經飽左8成，最後都部曲就QR Code落單，有其他肉類丸類餃類菜類等。我地實在食唔到咁多啦，所以叫左少少加個手打烏冬作結😏 實在係令人好享受嘅四部曲！