為食仔海鮮火鍋專門店

Open Now

Now Closed

週末晚約咗兩位好友出嚟聚一聚，揀咗嚟為食仔食卜卜蜆，貪佢九點半後有優惠價任食卜卜蜆，非常抵食。入舖頭之前店員會先喺店外為食客探熱，並提供酒精搓手液同放置口罩用嘅膠袋，仲提醒我哋餐廳內已經用納米光觸媒全面消毒過，令人感覺安心。除咗餐廳主打嘅卜卜蜆煲，仲有雞煲、海鮮鍋、水煮魚、雞煲翅同清湯鍋底，選擇豐富。另外最令我驚喜嘅係牛類嘅選擇亦非常多，除咗一般常見嘅和牛、安格斯牛同本地牛之外，仲有池板、封門柳、邊抓同腩底等刁鑽嘅部位。本來想挑戰下18禁卜卜蜆，但其中一位朋友唔係咁食得辣，所以最後我哋揀咗咸菜豬肚卜卜蜆煲，份量好多，而且蜆都幾大隻，唔係我哋想像中嘅細粒蜆，好足料。店員非常好，不時為我哋翻動卜卜蜆，提醒我哋蜆一開口時食最鮮嫩，更不時為我地清走蜆殼，服務滿分！蜆肉非常鮮味，啖啖肉而且冇沙，配上鮮濃嘅咸菜豬肚湯底，非常過癮。本來想點嘅池板已經冇哂，於是我哋揀咗邊抓，邊抓係喺牛肋骨附近包圍牛腩嘅肌肉，雖然望落脂肪多，但食落爽口冇油膩感，而且牛味重，非常優質。手打蝦丸加入黑松露，絕對落重本，味道亦自然冇得輸，而且口感彈牙，非常有驚喜！油麥菜新鮮翠綠，而且份量足。菠蘿沙冰大大杯，近乎滿瀉，飲落味道