阿麥廚房 (Closed)

好朋友升職，我當然要同佢賀一賀佢！早排同朋友傾起西餐，有位介紹話加路連山道嘅阿麥廚房做得好出色，價錢亦合理，所以今日就帶好朋友黎試下。我同朋友選擇左2個set dinner，懶得諗，貪佢夠方便，有齊頭盤餐湯，亦有drinks。前菜香煎法國鵝肝配焦糖酒醋藍莓(加$58升級)，鵝油香滲入麵包，但麵包唔會變淋，依然香脆。鵝肝外脆內軟，油感非常重，香噴噴，大概齒頰留香就係咁。焦糖酒醋藍莓，酸酸甜甜，幾開胃，好岩前菜。大蝦占米多(加$58升級)，全隻蝦肉起左，再用蘑菇炒香，保留蝦殼上菜，睇得又食得。蝦肉都幾濃味，蝦膏咸香好惹味。餐湯黑松露菌忌廉湯($48升級)好creamy，飲落好似食左好多個蘑菇咁，蘑菇粒好豐富呀！湯味比較濃郁，配多士幾好味。蟹肉南瓜忌廉湯($48升級)，亦係creamy之選，南瓜用料重，甜甜的，蟹肉亦都幾多，啖啖湯都滿滿蟹肉，好滿足。主菜香煎帶子配黑松露野菌意大利飯($218)，帶子幾金黃，外面脆身，裏面又軟身，真古惑！意大利飯黑松露味都幾重，好彩有d露荀中和返，味道岩岩好，非常好食，食多都唔膩！徳國式燒咸豬手($248)都幾大份，碎上可以啖啖肉食，方便快捷。豬手皮焗得好香脆