Milu Thai มิลู่ไทย (百樂中心)

Open Now

Now Closed

Milu Thai主打泰國美食，由逾 40 年泰籍廚師團隊主理。地點首先都幾方便，就係Times Square 後面。而入面都幾大，都見到唔少係一大班朋友約埋一齊。呢度點解吸引到我，主要係網上見到火焰燒雞。<火焰燒雞>結果真係無令我失望，首先上枱時將成隻雞企直，上枱後就用烈酒燒香個皮，酒香四溢，而當中的火焰效果打咭一流。另外雞肉好嫩滑，食到雞胸都唔係鞋，證明燒得岩晒火喉。<柚子鮮蝦沙律>另外亦叫左柚子鮮蝦沙律，份量都唔細，柚子質素唔錯，大大粒兼唔會乾身同苦澀，大蝦正常發揮，點埋泰式特色醬酸酸地都幾開胃。<大頭蝦冬蔭公湯>大頭蝦冬蔭功湯處理得幾好，大頭蝦大大隻都有羔，而最驚喜係冬蔭功的味道夠Balance，唔會過酸或過辣，飲落去係幾舒服，另外亦都有唔少配菜，其實都幾豐富。<炸蝦餅>蝦餅新鮮即炸，內裏蝦肉夠晒彈牙，而且份量都幾多，算係抵食，配埋特飲珍多冰就即刻爽晒。