川流 (Closed)

11：48一入到去，西裝經理嘅人物態度還可以，只雙眼由頭望到我地落腳咁，跟住話11：30full左，要1點半，咁我地有小小肚餓下，咪走囉。但行下行下想食另一間又無開喎，見唔肚餓了，於是唸住返去川流，打電話無人聽，係中途斷線嘅，我地狂打住咁行到去都無人聽。入到去，再問佢係咪1：30有位，佢本來話幫我book，攞埋部ipad，跟住我朋友問佢點解你個電話唔通，佢話忙，跟住望住個電話係無响嘅，跟住2手一灘，再行開無理我地，強調係無理我地。咁一心返黎係唸住食嫁嘛，叫返個經理話咁book1：30啦，我朋友再問你個電話宜係唔得喎，佢再次全身望左我地一眼，跟住話...睇下有無位，明明頭先仲話幫我book嘅，跟住話，唔好意思無位。我look大隻眼望住佢，佢應該知自己衰左，又唔會認啦當然，佢話你留電話，有位通知你。我幫襯食巿無數，呢間都數一數二差，佢要pan左我地2次，又要望下我地個樣先，跟住話無位，乜我地著得好寒酸，定我地樣似無錢比，佢要咁服務態度對我地呢？如你喜愛被人上下打量 眼睛不斷注視再無視，有位無位比唔比你幫襯由佢對眼去決定，你就去試下啦，都想大家分享下體驗。