Video
Read full review
2021-02-28
84 views
📍𝐒𝐭𝐞𝐚𝐤 𝐁𝐚𝐫 (銅鑼灣) 銅鑼灣嘅登龍街出名多嘢食就係人都知，但係你又冇試過呢間石燒專門店呢？呢間餐廳環境唔算大，但係都坐得好舒服。💁♀️而且店員仲好有禮貌咁會為我哋推薦菜式，仲好貼心咁問我哋需唔需要口罩夾~💕𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:🤍 吉列炸牛扒定食 ($188) 嚟到呢度又點可以唔試佢哋最出名嘅吉列炸牛扒呢？🐮牛扒上到嚟嘅時候大概係一兩成熟左右，等石燒爐上面嘅牛油溶化之後，就可以擺牛扒上去燒啦！😍吉列牛嘅份量好多，每一塊都有返相當份量嘅厚度，要大概燒20秒左右就可以食😋。吉列牛嘅外層好酥脆，而肉質就好嫩，牛味香濃，食落去口感超正！而每一個套餐都會跟豆腐、白飯同埋柚子醋沙律，但係可以加$8將白飯轉成薯條。薯條好厚身，食落好香脆！🍟🤍 石燒牛舌定食 ($120) 呢一個set就照跟咗白飯，🍚原來白飯都好正，上面有超多飯素，食落好香口！牛舌係薄切嘅，份量亦都好多，等塊石燒爐熱幾分鐘之後就可以開始燒架啦！🐄牛舌燒一陣就可以食，雖然牛味唔算好濃郁，但係食落去質感超好，🥰好彈牙好有咬口，推介推介！🤍 雞軟骨餃子 ($45) 餃子嘅表面煎到好香好脆，入面有超多雞軟骨，好有咬口，而且仲
銅鑼灣嘅登龍街出名多嘢食就係人都知，但係你又冇試過呢間石燒專門店呢？呢間餐廳環境唔算大，但係都坐得好舒服。💁♀️而且店員仲好有禮貌咁會為我哋推薦菜式，仲好貼心咁問我哋需唔需要口罩夾~💕
𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:
🤍 吉列炸牛扒定食 ($188)
嚟到呢度又點可以唔試佢哋最出名嘅吉列炸牛扒呢？🐮牛扒上到嚟嘅時候大概係一兩成熟左右，等石燒爐上面嘅牛油溶化之後，就可以擺牛扒上去燒啦！😍吉列牛嘅份量好多，每一塊都有返相當份量嘅厚度，要大概燒20秒左右就可以食😋。吉列牛嘅外層好酥脆，而肉質就好嫩，牛味香濃，食落去口感超正！而每一個套餐都會跟豆腐、白飯同埋柚子醋沙律，但係可以加$8將白飯轉成薯條。薯條好厚身，食落好香脆！🍟
🤍 石燒牛舌定食 ($120)
呢一個set就照跟咗白飯，🍚原來白飯都好正，上面有超多飯素，食落好香口！牛舌係薄切嘅，份量亦都好多，等塊石燒爐熱幾分鐘之後就可以開始燒架啦！🐄牛舌燒一陣就可以食，雖然牛味唔算好濃郁，但係食落去質感超好，🥰好彈牙好有咬口，推介推介！
🤍 雞軟骨餃子 ($45)
餃子嘅表面煎到好香好脆，入面有超多雞軟骨，好有咬口，而且仲好juicy添！😉
🤍 荔枝梳打 ($25)
🤍 蘋果汁 ($25)
𝑨𝑫𝑫𝑹𝑬𝑺𝑺:
📍銅鑼灣登龍街36-48號登輝大廈地下B號舖
Shop B, G/F, Tang Fai Building , 36-48 Tang Lung Street, Causeway Bay
Post
