Video
Read full review
2023-12-29
303 views
尋晚平安夜，諗住早少少六點幾七點食晚飯先。諗住唔使阻人做生意，又唔使咁迫咁趕。行晒成條女人街兩邊食肆，結果停咗喺呢間門口，望咗陣餐牌。見到門面同啲相都幾好。咁就入咗呢間門面唔錯，但係就伏到不得了嘅餐廳。入到去坐低後，就比咗個餐牌我，仲話比我聽有乜嘢餐湯同甜品。點餐用qr code我都覺得無乜問題，我睇完都係點個二人餐，前菜就點煙三文魚配羅馬菜沙律，主菜就點咗個黑松露菌配什菌意大利飯，另一個係黑毛豬朳啦，飲品就加錢轉特飲，仲有得揀即起或者後起，我覺得又幾好吖。我點黑毛豬嘅時候，仲有得比我揀八成熟或者全熟。始終係豬肉，我都係揀返全熟。點完餐無幾分鐘，就有個女仔攞住兩個湯出嚟。最得意嘅，係個女仔唔知點解，放湯嘅時候條腰係伸唔直。唔知係佢隻手無力到攞唔起碗湯，定碗湯重到佢單手都好難攞住。佢放碗湯落枱時，條腰係九十度咁。我望住佢啲頭髮，就嚟hi到我碗湯。我見無事，都唔理佢啦！(但係做一間門面高級嘅侍應，點解唔係扎起啲頭髮，而係啲前陰可以咁樣褸褸幽幽。)一飲啖湯真係有驚喜，真心唔難飲嘅，但係就凍嘅。飲完個湯，未收碟就上沙律。都無所謂啦，個沙律一落枱，就嚟第二個驚喜。半棵羅馬菜切都無切，放幾塊煙三文
入到去坐低後，就比咗個餐牌我，仲話比我聽有乜嘢餐湯同甜品。點餐用qr code我都覺得無乜問題，我睇完都係點個二人餐，前菜就點煙三文魚配羅馬菜沙律，主菜就點咗個黑松露菌配什菌意大利飯，另一個係黑毛豬朳啦，飲品就加錢轉特飲，仲有得揀即起或者後起，我覺得又幾好吖。
我點黑毛豬嘅時候，仲有得比我揀八成熟或者全熟。始終係豬肉，我都係揀返全熟。點完餐無幾分鐘，就有個女仔攞住兩個湯出嚟。最得意嘅，係個女仔唔知點解，放湯嘅時候條腰係伸唔直。唔知係佢隻手無力到攞唔起碗湯，定碗湯重到佢單手都好難攞住。佢放碗湯落枱時，條腰係九十度咁。我望住佢啲頭髮，就嚟hi到我碗湯。我見無事，都唔理佢啦！(但係做一間門面高級嘅侍應，點解唔係扎起啲頭髮，而係啲前陰可以咁樣褸褸幽幽。)
一飲啖湯真係有驚喜，真心唔難飲嘅，但係就凍嘅。飲完個湯，未收碟就上沙律。都無所謂啦，個沙律一落枱，就嚟第二個驚喜。半棵羅馬菜切都無切，放幾塊煙三文喺面。睇就好似擺得幾靚，做廚嘅有無諗過個客點放入口食呢？
無切都唔緊要，咁我咪自己切囉。切到一半，第三個驚喜就嚟喇！個意大利飯，居然已經煮好落埋枱。唯有加快速度，食個沙律啦！驚個扒到埋無位。
處理完個沙律，開始食個意大利飯。個飯又真係唔差，夠熱又夠味。因為個意大利飯，好似仲少過人哋啲茶餐份糧，所以好快就食晒。點知食完個意大利飯，好耐都無人收碟，同個黑毛豬等咗好耐先到。佢哋係鍾意落枱嘅時候，要個客幫手，攞起啲要收嘅碟嘅習慣！我已經開始燥燥地，不過我老婆話算啦，都唔會有下次叫我忍下。見個黑毛豬賣相幾靚，一刀切落去已經覺得有啲唔對路。事關我以前都係做西餐，一塊全熟嘅扒，切落去嘅感覺，無理由係彈下彈下嘅。我切開少少，望下中間真係未熟。同佢哋所講嘅八成熟，跟本係兩回事。唔熟就係唔熟，再加上我落單嘅時候，已經係揀全熟。正式西餐嘅，只有三、四、五、七成同全熟。可能我太耐無接觸西餐，如果有錯大家勿插呀！
我諗住佢哋，都係放入微波爐，丁佢幾十秒，咪攞返出嚟囉。點知又等咗幾個字，我先再追個餐。個女仔問完又無答我，到我望咗佢幾分鐘。佢見到我望住佢，佢先走埋嚟同我講煎緊。點知佢一行開，第二個就攞碟扒過嚟。我一見到真係聖誕驚喜一浪接一浪，佢哋幫我碎上件黑毛豬，應該係放咗上個矖爐度曬熟。咁我應該叫呢個係黑毛豬扒，定係黑毛燒肉好呢？
一咬落去成塊柴皮咁，仲要一啲味都無。快啲食完快啲走算，終於有人見到我哋張枱食晒嘢，又係嚟甜品嘅時候，幫佢哋攞住啲要收嘅碟。佢落完枱我都費事等，叫佢比埋啲飲品比我。
到我哋食完兩件淋吱吱嘅拿破侖之後，又係等等等。但係嚟嘅唔係飲品，係比張單我。我話嘢飲都未到喎！佢即刻幫我追，好喇！我老婆杯香蕉乳酪到咗，佢叫我試一啖。我試完覺得，好啱三高人士飲用。除咗有好少蕉味，同少少咁多乳酪味。成杯嘢淡而無味，絕對唔會怕糖份高。嚟咗一杯之後，硬係要我等。等到我又追，終於嚟埋我杯朱古力咖啡沙冰。飲都未飲已經知，最後一伏。我第一次見，沙冰係水流流。我諗住佢哋經營艱難，沙冰粉貴慳得就慳喇。我都諗住飲完走算喇！一飲落去同杯水無分別，分別就係有色同無色。我即刻問個女仔呢杯係乜，佢都仲噏得出係乜。我話要沙冰無沙冰，要朱古力味無朱古力味，要咖啡味無咖啡味。跟住叫佢換杯美式咖啡比我算喇！嚟到不出我所料，仲衰過老麥杯咖啡。比錢嘅時候，仲要無改返張單。想收返沙冰價錢，成間舖嘅管理，真係好有問題。所以唔會再有下次，我都係第一次寫食評，估唔到一寫就咁長。如果真係睇晒嘅，真係唔好意思！我太長氣。
Dinner for two
6 views
0 likes
0 comments
Post
