Video
Read full review
2017-06-19
441 views
男朋友生日，於是決定同佢食餐好，上網做左research，放題/火鍋就食得多，想食下黃他野。蒸海鮮都係一個唔錯既選擇，於是就決定去呢間私房御約。跟住google map好快就去到，有招牌寫住私房御約4個字，非常醒目，老遠都見到。店裡面會提供非常足料既菊花茶，有杞子、桂圓等等。味道非常清香，而竟然係任飲架！飲完仲可以fill！前菜非常不得了，除左一般都會有既花生之外，豆芽唔係普通既豆芽，佢入面有蜆肉有蝦肉同埋魚肉，淨係前菜已經比到好多驚喜。個menu真係好吸引，全部都係靚料，但呢個價錢黎講，已經係好抵！調味料一樣都係自己黎！選擇唔算多，但正常會加既都有。一黎已經食海鮮，有基圍蝦同埋花甲。蝦同蜆個色澤都好鮮明，已經由於係清蒸，都保留左海鮮原本既原汁原味，特別係個蝦，雖然唔係話好大隻，但勝在夠新鮮。呢個龍躉魚腩真係不得了，人生第一次食龍躉，但真係唔會失望。好耐都無食過咁有質感既魚肉了。滑得黎咬落去係有彈性。加左蔥同薑，無哂腥味，好鮮甜。好大粒既元貝呀！唔好睇佢白雪雪，以為佢無味，但其實佢咩都唔洗加已經好鮮甜。老闆仲建議我地連佢既汁都要飲埋，果到都係精髓。緊接住既就係手打墨魚滑同蝦滑，老闆提我
跟住google map好快就去到，有招牌寫住私房御約4個字，非常醒目，老遠都見到。
店裡面會提供非常足料既菊花茶，有杞子、桂圓等等。味道非常清香，而竟然係任飲架！飲完仲可以fill！
前菜非常不得了，除左一般都會有既花生之外，豆芽唔係普通既豆芽，佢入面有蜆肉有蝦肉同埋魚肉，淨係前菜已經比到好多驚喜。
個menu真係好吸引，全部都係靚料，但呢個價錢黎講，已經係好抵！
調味料一樣都係自己黎！選擇唔算多，但正常會加既都有。
一黎已經食海鮮，有基圍蝦同埋花甲。蝦同蜆個色澤都好鮮明，已經由於係清蒸，都保留左海鮮原本既原汁原味，特別係個蝦，雖然唔係話好大隻，但勝在夠新鮮。
呢個龍躉魚腩真係不得了，人生第一次食龍躉，但真係唔會失望。好耐都無食過咁有質感既魚肉了。滑得黎咬落去係有彈性。加左蔥同薑，無哂腥味，好鮮甜。
好大粒既元貝呀！唔好睇佢白雪雪，以為佢無味，但其實佢咩都唔洗加已經好鮮甜。老闆仲建議我地連佢既汁都要飲埋，果到都係精髓。
緊接住既就係手打墨魚滑同蝦滑，老闆提我地要食左墨魚滑先，墨魚滑好彈牙，幾好味。而蝦滑味道就會再重d，食到粒粒蝦肉。另外就係日本放養豬梅肉，本時我唔會中意食清蒸既肉，但呢個聞落去已經好香既肉味，薄薄一片咬落去肉質都好鮮甜。
自家制鮮蝦豬肉餃，皮薄餡靚，入面料好足，食到滿滿既豬肉同埋粒粒蝦肉。至於個蒸雞，好重藥材味，感覺好補，聞落好香，食落都好鮮嫩。時令蔬重種類都不少，全部都好新鮮，食完咁多肉再食下菜都唔錯
食完最尾仲有個糖水食，好滋潤！
Post
