Video
Read full review
2019-05-06
190 views
串燒熱潮無啦啦𥱊卷香港，串燒店開到梗有一間係左近，最近試過葵廣嘅冷麻辣串（掃街）之後，心思思想坐得舒服d食番d熱辣辣嘅燒串，所以星期六鎖定旺角燒烤堂。燒烤堂係朗豪坊附近，我地夾完公仔就去食，時間尚早不過都已經有客人喇，串燒要慢慢燒，慢慢食！每串份量少少，可以試多幾款！麻辣墨魚咀 - 一黎就上麻辣，味蕾即刻醒晒，燒烤堂嘅麻辣唔講得笑，超級惹味，墨魚咀嫩滑，得4粒唔夠喉呀。四重芝士包 - 香軟脆法包配上四重芝士，好難唔讚囉，如果拉絲效果再加強，就會更perfect。兩款雞翼包括蜜糖雞翼及鹽燒雞翼，原以為蜜蜜會是我的茶，點知今次比鹽燒取勝，唔知點解，但係燒得又香又脆但入面肉汁依然鎖住咀囉。好味！鹽燒prime 牛仔扒 - 鹽燒系列係做得出色嘅，配以高質食材，沒有浪費！沖繩黑糖菠蘿 - 本身寫就凍食嘅，不過黎到仲微暖，唔緊要啦因爲我鐘意暖暖地食，黑糖結晶鋪在菠蘿外面，咬落食倒脆口黑糖在軟淋多汁嘅菠蘿，諗起都流口水。惹味手切雞腎 - 平是食開薄切而燒烤堂係厚切，係惹味不過我較喜歡薄薄咁食。燒蠔 - 蠔身唔細隻，蒜蓉燒無得輸！最後叫左個韓式牛仔骨生菜包，數量不少的牛仔骨配以訓鮮生菜，蒜頭辣椒及泡菜
燒烤堂係朗豪坊附近，我地夾完公仔就去食，時間尚早不過都已經有客人喇，串燒要慢慢燒，慢慢食！每串份量少少，可以試多幾款！
麻辣墨魚咀 - 一黎就上麻辣，味蕾即刻醒晒，燒烤堂嘅麻辣唔講得笑，超級惹味，墨魚咀嫩滑，得4粒唔夠喉呀。
四重芝士包 - 香軟脆法包配上四重芝士，好難唔讚囉，如果拉絲效果再加強，就會更perfect。
兩款雞翼包括蜜糖雞翼及鹽燒雞翼，原以為蜜蜜會是我的茶，點知今次比鹽燒取勝，唔知點解，但係燒得又香又脆但入面肉汁依然鎖住咀囉。好味！
鹽燒prime 牛仔扒 - 鹽燒系列係做得出色嘅，配以高質食材，沒有浪費！
沖繩黑糖菠蘿 - 本身寫就凍食嘅，不過黎到仲微暖，唔緊要啦因爲我鐘意暖暖地食，黑糖結晶鋪在菠蘿外面，咬落食倒脆口黑糖在軟淋多汁嘅菠蘿，諗起都流口水。
惹味手切雞腎 - 平是食開薄切而燒烤堂係厚切，係惹味不過我較喜歡薄薄咁食。
燒蠔 - 蠔身唔細隻，蒜蓉燒無得輸！
最後叫左個韓式牛仔骨生菜包，數量不少的牛仔骨配以訓鮮生菜，蒜頭辣椒及泡菜一齊食，絕不比韓式食店失色，用生菜包住紅蘿蔔，青瓜，泡菜及肉同吃，又爽脆，又有咬口！
整體來說食物種類多，而最為喜愛的是鹽燒及麻辣，真係諗起都想再食。
Post
