Video
Read full review
2021-05-09
502 views
好耐無去柴門西餐廳食飯，前幾日睇FB見到今期午餐menu有煎焗法國油封鴨腿配黑醋汁，好吸引呀……決定星期六去會一會呢隻鴨腿!星期六13:30準時到達，全場滿晒，不過我地訂咗位，好彩我地一行3人，有2個已經堅決地要叫油封鴨腿， 可惜計劃趕不上變化，鴨腿已經售罄! 而menu又將會轉，意味住最少要等2個禮拜至有機會再見到鴨腿……失望我地決定叫希臘式焗龍利柳伴帶子配薯菜、 香煎加拿大天然豬鞍及煎焗阿根廷優質穀飼牛柳一如以往， 美味麵包同餐湯先上，保持水準。之後三個主菜陸續送上……1) 希臘式焗龍利柳伴帶子配薯菜 - 龍利柳魚味幾出兼無腥味，太好啦 薯菜雖然我不嬲唔太鍾意但都忍唔住食咗一半，堅好味! 帶子只得一粒所以我要珍而重之咁慢慢食。2) 香煎加拿大天然豬鞍 - 堅大件，但肉質好嫩，好好食。 豬鞍呈現小小粉紅色， 並不是未熟而係特色， 大家可以放心。3) 煎焗阿根廷優質穀飼牛柳 - 牛味出， 肉質鮮嫩， 真係要慢慢品嚐。 食咗咁多肉， 餐飲都係揀杯熱檸水好啲最後堅決要加錢order法式焦糖燉蛋和辣椒朱古力餅，完美!小小提議:1) 電話訂坐有88折2) 如果有特別想食嘅， 可以預先留定
星期六13:30準時到達，全場滿晒，不過我地訂咗位，好彩
我地一行3人，有2個已經堅決地要叫油封鴨腿， 可惜計劃趕不上變化，鴨腿已經售罄! 而menu又將會轉，意味住最少要等2個禮拜至有機會再見到鴨腿……失望
我地決定叫希臘式焗龍利柳伴帶子配薯菜、 香煎加拿大天然豬鞍及煎焗阿根廷優質穀飼牛柳
一如以往， 美味麵包同餐湯先上，保持水準。
之後三個主菜陸續送上……
1) 希臘式焗龍利柳伴帶子配薯菜 - 龍利柳魚味幾出兼無腥味，太好啦 薯菜雖然我不嬲唔太鍾意但都忍唔住食咗一半，堅好味! 帶子只得一粒所以我要珍而重之咁慢慢食。
2) 香煎加拿大天然豬鞍 - 堅大件，但肉質好嫩，好好食。 豬鞍呈現小小粉紅色， 並不是未熟而係特色， 大家可以放心。
3) 煎焗阿根廷優質穀飼牛柳 - 牛味出， 肉質鮮嫩， 真係要慢慢品嚐。
食咗咁多肉， 餐飲都係揀杯熱檸水好啲
最後堅決要加錢order法式焦糖燉蛋和辣椒朱古力餅，完美!
小小提議:
1) 電話訂坐有88折
2) 如果有特別想食嘅， 可以預先留定免得失望
3) 重要資訊: 聽講柴門會由5月9號開始星期日都開門營業，詳情請自行向餐廳查詢，柴小杏嘅朋友有口褔啦!!!
12 views
0 likes
0 comments
Post
