南島

Open Now

Now Closed

難得約到朋友係港島區食飯，朋友極力推介呢間南島，話性價比超高。 睇落普通茶餐廳一間，會有咩咁特別? 不過又近朋友，就即管去食啦。Lunch time都幾多人，黎到要等一陣，但都好快有位。 地方睇落唔錯，好乾淨。見到餐牌好多選擇，主力係東南亞菜。 因為雖然涼返啲但晏畫都仲熱，我同朋友就叫左個香茅豬排撈板麵，同冰鎮鮑魚。 食得冇咁熱。 然黎試埋佢個桔仔話梅水同薏米水潤下。冰鎮鮑魚睇落冇咩特別，但原來個亮點係個醬。 鮑魚點汁食係超正，完全帶出到鮑魚既解味同清涼既感覺。香茅豬扒撈板麵都好出色。 一黎見咁大碟都有啲驚喜。 豬扒炸得好靚，夠熱又厚，真係冇諗過會咁大塊同咁多肉。 好好味，香脆又唔硬。 個麵似上海麵，仲要煮得剛剛好，配埋下面既青瓜絲同蟹柳線真係好襯，呢個天氣食一流。而2杯野飲微甜，足料。真係非常之好既介紹，值得入黎食。