鳥元炸雞專門店

Open Now

Now Closed

本身係想係其他地方食飯嘅，但行過見到尼到最平都只係38蚊一個餐，所以就入去試下。鳥元雖然係一間日系輕食立食店，但其實都有少量座位包括吧枱同圓枱比大家堂食。我叫左第一個餐，有兩件炸雞，一碗咖哩飯同一罐可樂。落左單一陣咖哩飯就攞得，但炸雞因爲即叫即炸所以仲要等多一陣。咖哩飯嘅配料幾多，有豬肉、薯仔、紅蘿蔔、洋蔥，全部配料都切成細塊，所以一口可以食到所有的配料。咖哩汁夠多，甜甜地，撈飯一流。炸雞攞到手熱辣辣，吾單止d肉炸到岩岩好，入味之餘，嫩滑多汁，就連外面的炸衣都好好味，脆卜卜又吾油膩，果然係炸雞專門店。我仲另外叫左塊南瓜餅做飯後甜點，尼個南瓜餅真係好有驚喜。因為都係即炸的，南瓜餅外脆內軟，十分清甜。裡面除左南瓜蓉，仲有少少綠色的南瓜皮，令個餅更有口感。我好期待下次再黎試埋個芝士南瓜餅。