Bored Garden (Closed)

今日去開中環～行行吓發現一間好有特色嘅漢堡包店。成間店舖有金融嘅感覺。而且有時代感。竟然喺嗰度見到虛擬貨幣+NFT ~完全可以了解到老細嘅投資理念。所以見間店舖咁有特色，忍唔住就入咗去試吓啦。食漢堡包之餘，一樣可以食到蔬菜。見到呢間舖頭提供好多不同沙律的選擇。鴨肝牛肉漢堡：十分特別的配搭，而且矜貴非常。麵包松軟～外皮考得香脆有咬口。一咬下去的時候除咗咬到牛肉濃郁鮮味的口感，鴨肝的油香亦在口腔爆發。實在是十分完美的配搭。最緊要是本身漢堡配搭了新鮮的蔬菜。完美平衡了兩個味道。單骨雞翼：炸得香脆香脆～咬落去雞肉鮮嫩多汁～調味亦都啱啱好。值得一試。烤雞田園沙律：原本只是諗住在晚餐中加點蔬菜。沒想到最後竟變成意外驚喜。首先$45在中環晚餐食一個烤雞沙律。已經是平到難以置信。上枱時仲要係十分大份。蔬菜新鮮爽甜。烤雞表面烤得微微焦香。配美味的沙律醬。老闆你未免太佛心了。這個質素、這個份量、這個地段。我有理由相信老闆真係玩虛擬貨幣發咗達～哈哈哈～相信是獎勵我們食蔬菜的乖寶寶