Read full review
2022-02-19
3230 views
THE MOTHER OF PIZZA創辨人最初喺温哥華嘅“小意大利”學識整拿坡里pizza。他並不是意大利人。他將正宗pizza底加上紐約式配料造成現在餐廳賣的pizza。餐廳門口清楚睇到廚房內整pizza嘅過程,店內就佈滿李小龍/成龍等嘅裝飾,全是香港喺外國人眼中嘅樣子。 呢度嘅一大特色係可以叫雙拼pizza。餐牌函蓋十多款pizza款式,仲有意大利粉/小食/沙律,同最好送pizza嘅啤酒啦。 Summer of love 1967+My parma 13” $248 賣相就好靚仔,有明顯突起嘅麵團,聞落有少少麵粉香。雙拼嘅兩款口味分得好明確,價錢就有少貴,但品質就非常之好,而且超級大份,最後都要打包走。 根據意大利拿坡里pizza嘅“法律”,有幾樣野必定要遵守嘅。1. 番茄醬必須要用SAN MARZANO蕃茄。2. Pizza 必須喺pizza爐上高温焗60-90秒先至可以做到突起嘅外皮。3. 麵團必須用上Type 00/0高蛋白麵粉。如果唔係,絕對會被意大利人話,而呢度都做足哂以上嘅原則。 麵團外皮脆身,內裏空氣感高,偏厚,煙韌軟熟,又有淡淡嘅粉香。外皮有少少燶位,但其實係可以
THE MOTHER OF PIZZA創辨人最初喺温哥華嘅“小意大利”學識整拿坡里pizza。他並不是意大利人。他將正宗pizza底加上紐約式配料造成現在餐廳賣的pizza。
餐廳門口清楚睇到廚房內整pizza嘅過程,店內就佈滿李小龍/成龍等嘅裝飾,全是香港喺外國人眼中嘅樣子。
呢度嘅一大特色係可以叫雙拼pizza。餐牌函蓋十多款pizza款式,仲有意大利粉/小食/沙律,同最好送pizza嘅啤酒啦。
Summer of love 1967+My parma 13” $248
Summer of love 1967+My parma 13”
$248
148 views
0 likes
0 comments
賣相就好靚仔,有明顯突起嘅麵團,聞落有少少麵粉香。雙拼嘅兩款口味分得好明確,價錢就有少貴,但品質就非常之好,而且超級大份,最後都要打包走。
根據意大利拿坡里pizza嘅“法律”,有幾樣野必定要遵守嘅。
1. 番茄醬必須要用SAN MARZANO蕃茄。
2. Pizza 必須喺pizza爐上高温焗60-90秒先至可以做到突起嘅外皮。
3. 麵團必須用上Type 00/0高蛋白麵粉。
如果唔係,絕對會被意大利人話,而呢度都做足哂以上嘅原則。
麵團外皮脆身,內裏空氣感高,偏厚,煙韌軟熟,又有淡淡嘅粉香。外皮有少少燶位,但其實係可以食嘅。呢隻pizza本身真係咁嘅(除非焗得太燶)。呢個算係近排食過最正pizza底,但又未去到網上所講嘅神級。
summer of love 1967
367 views
2 likes
0 comments
蕃茄醬均匀分布,酸甜適中,冇乜多餘調味。當中半個pizza係以傳統拿坡里pizza都會有水牛芝士佐底,菠蘿嘅份量多到絕對係比意大利人鬧爆,但就好甜,不過我個人一向都唔鍾意食菠蘿。響菠蘿下面有層微脆而帶有蜜糖甜蜜嘅parma ham,辣肉腸,肉丸(下文詳述)。成個味道都好make sense,特別欣賞加有蜜糖嗰部分。
my parma
65 views
0 likes
0 comments
另一半pizza嘅巴馬火腿品質唔差,唔會太dry。配上橄欖油同鮮刨嘅parmasan cheese,火箭菜,充滿咸香而有層次感,油潤香口,我就鍾意呢個多D。
GARLIC CHEESE BREAD$148
GARLIC CHEESE BREAD
$128
64 views
0 likes
0 comments
Size根本係成底pizza咁大,面頭仲有少少拉絲,聞落有好重嘅蒜/牛油香。一咬入口,就品嚐到厚厚一層芝士嘅香濃,微微嘅蒜粒,而仲有層脆皮。麵包底目測係pizza底黎嘅,但呢隻更厚身而更加煙韌軟糯,推介。(麵包中間只係層pizza番茄醬,好smooth,但有少少凍,味道較淡,襯唔起呢個熱辣辣嘅包)
意大利白酒肉丸意粉$158
白酒肉丸意粉
$148
148 views
0 likes
0 comments
份量係外國人size,意粉麵條口感al dente,均勻掛上忌廉汁。忌廉汁香滑,好smooth,唔會黏埋一舊,脂香感高,加埋巴馬臣芝士同紫洋蔥則是絕配。肉丸切到好碎,香料嘅調味甚重,肉味重而帶有肉汁,我就非常之鍾意。
Post