麥當勞

Open Now

Now Closed

嚟到麥當勞，食乜鬼嘢好？最近得知麥當勞推出左全新嘅三重芝士安格斯，同埋意式田園蔬菜批，今次就一於嚟試下，睇下有冇驚喜先。三重芝士安格斯聽到三重芝士係有少少興奮，但食落就有少少失望。個包皮同我平時食開嘅安格斯唔同，我鍾意普通嗰個安格斯嘅包皮多啲。多咗芝士條咁囉，芝士條同個包感覺麻麻地夾，比多塊芝士我仲好，或者可能係我外賣凍咗嘅關係啦，整體感覺一般。意式田園蔬菜批平時喺麥當勞食嘅批通常都係甜，但呢個田園蔬菜批酸酸地嘅味道都唔錯喎，比到啲新鮮感我。