泰式食

Open Now

Now Closed

今日行開銅鑼灣，朋友提意食泰國野，行開見sogo對面，金伯利商場有間泰國野(泰式食)，就上左上去試下啦。餐廳裝修都幾有氣氛，一入門口有架特色車仔，又有D泰式相框裝飾，又播住D舒情歌，感覺都幾放鬆舒服，好啱同朋友、情侶黎食下野。餐牌都有幾多野揀，有辣有唔辣……我同朋友2個試左以下野食。蟹肉炒飯: 清清地，有少少蟹肉、炒蛋、青菜，甘啱我地又叫左咖哩海鮮，配咖哩一流。一下就清哂D飯啦……三色咖哩海鮮:一隻辣椒標籤但黄咖哩唔太辣，都幾香滑。用三色椒盛住D海鮮，食完咖哩，仲可以食埋三色椒，都幾得意，色香味俱全。海鮮用料十足，有青口、蝦、魚、魷魚條、蟹肉，兩個人都好夠食，D咖哩汁超多，好好送飯……最後我地仲叫左個芒果糯米飯做甜品，有紫、白糯米。通常都係只配白糯米飯，配紫糯米飯都幾好，加上香濃椰汁，都幾好味。估唔到金百利樓上都有食物及環境不錯嘅泰國餐廳。