丼丼屋 (Closed)

平時成日落樂富食野，但一直都冇乜點諗起食丼丼屋🤔因為鋪位雖然離地鐵站只有幾步之遙，但非常唔顯眼🤔今日就特登黎試試丼丼屋嘅午餐，有驚喜😋！正值午市時段，鋪內當然滿佈客人，但係我地好好彩都只係等左5分鐘就入得去喇🙂坐低之後，點左餐牌上相對較平嘅兩份餐 -- 滑蛋咖哩飯&串燒雞肉飯~ 另外外加一份芝麻雞翼同一塊芝士薯餅🙂兩份餐率先送到，雞肉飯嘅雞件好軟好夠味，醬汁冇特別order要多汁，但都夠汁撈飯，唔會好乾👍🏿跟餐嘅麵豉湯味太濃，變相偏鹹🤔至於跟餐沙律，男友就略略帶過話唔好食😕滑蛋咖哩飯係另一驚喜之選，甚至比外面咖哩專門店整得好食😋👍🏿滑蛋真係好滑好嫩😆咖哩夠重味!!!不過如果有得加配其他配菜(例如:豬扒，炸蝦等等)，可能會更吸引客人🙂芝麻雞翼芝麻味唔太重，但啱啱好可以吊到雞翼嘅香味，亦都夠熱，唔錯👍🏿最後嘅芝士薯餅同圖片一樣，大大塊，薯味好夠，不過略嫌太少芝士🤔飲品方面，柚子茶嘅柚子份量好多，但因為茶味太濃，好似變左檸茶味😂總括而言，呢餐都有驚喜，食物平均黎講都唔錯，不妨一試🙂