Video
Read full review
2020-09-04
706 views
因為疫情反覆嘅關係，好少出去餐廳食野，所以決定出去試啲新野慰勞下自己！我成日都覺得呢個位有魔咒，通常啲餐廳都做唔長🤣然後平時見佢都唔算多人幫襯，所以就膽粗粗試下一鋪，點知結果The Salted Pig 係意料之外嘅高質！首先一入去就覺得個設計好有氣氛，實際感受係比影出黎再暗啲，所以好適合情侶黎撐枱腳🥰然後餐廳衛生意識都好好，除咗枱同枱之間會設塊板，仲會盡量隔開客人，等大家食都食得安心啲！The Salted Pig 雖然主打豬手，但同時提供好多其他料理，飯意粉同各式各樣嘅扒任君選擇，賣相都好吸引咁🤤🤤但因為同行友人唔係特別鍾意豬手，所以今次就叫咗斧頭豬扒同其他野試下！首先到嘅係鮮蝦蘆筍意大利飯，雖然佢嘅賣相唔係特別靚，但一入口就食到好重嘅龍蝦汁味，而且飯嘅質感亦夠黏，相當飽肚❤️除咗個飯好入味之外，蝦肉亦好鮮甜，最上面加咗啲芝士提升意大利飯嘅口感，好食到停唔到口！🥰之後上菜嘅係斧頭豬扒，豬扒唔算多骨，啖啖肉，烤嘅程度啱啱好，成功鎖住肉汁同鮮味，唔怕烤到乾哂，強烈推介大家黎食！而薯條係即叫即烤，上菜嘅時候仲係熱辣辣脆卜卜，食得出係餐廳自製嘅，好重薯仔味，配埋豬扒同椰菜仔食，罪惡感都少啲！
首先一入去就覺得個設計好有氣氛，實際感受係比影出黎再暗啲，所以好適合情侶黎撐枱腳🥰然後餐廳衛生意識都好好，除咗枱同枱之間會設塊板，仲會盡量隔開客人，等大家食都食得安心啲！
The Salted Pig 雖然主打豬手，但同時提供好多其他料理，飯意粉同各式各樣嘅扒任君選擇，賣相都好吸引咁🤤🤤但因為同行友人唔係特別鍾意豬手，所以今次就叫咗斧頭豬扒同其他野試下！
首先到嘅係鮮蝦蘆筍意大利飯，雖然佢嘅賣相唔係特別靚，但一入口就食到好重嘅龍蝦汁味，而且飯嘅質感亦夠黏，相當飽肚❤️除咗個飯好入味之外，蝦肉亦好鮮甜，最上面加咗啲芝士提升意大利飯嘅口感，好食到停唔到口！🥰
鮮蝦蘆筍意大利飯(龍蝦蕃茄汁)
$178
29 views
0 likes
0 comments
之後上菜嘅係斧頭豬扒，豬扒唔算多骨，啖啖肉，烤嘅程度啱啱好，成功鎖住肉汁同鮮味，唔怕烤到乾哂，強烈推介大家黎食！而薯條係即叫即烤，上菜嘅時候仲係熱辣辣脆卜卜，食得出係餐廳自製嘅，好重薯仔味，配埋豬扒同椰菜仔食，罪惡感都少啲！💕
烤斧頭豬扒
$238
40 views
0 likes
0 comments
最後係煎原條海鱸魚柳海鮮燴，我地因為驚食唔哂所以淨係叫咗半條，但一上碟就被佢嚇親！呢個賣相用黎打卡一流🥰最面頭嘅海鱸魚煎到外脆內軟，一咬落去魚嘅外皮仲係脆，而魚肉多汁鮮甜又滑溜！超高質！🥳墊底嘅有鮮蝦、蜆，辣肉腸同麵包粒，超級足料，每樣配菜都好好食！餐牌冇講明係汁/湯底係咩，但絕對係呢道菜嘅一大功臣，有少少喇沙嘅感覺，辣味(少量)吊起咗其他海鮮嘅鮮味，食魚肉嘅時候都忍唔住要蘸下個汁黎食🥰呢道菜真係強烈推薦！！！性價比超高！！
煎海鱸魚柳海鮮燴（半條）
$178
26 views
0 likes
0 comments
最後嘅最後，叫咗杯老少咸宜嘅 non-alcohol 飲品黎試一試，Tango 係由柚子茶+芒果汁+士多啤梨所混合而成嘅，聽落有啲奇怪嘅組合意外地夾，不過整體偏向士多啤梨茶多啲，但飲落好清新！大家不妨一試！🥰當然佢仲有好多其他酒精飲品～情侶黎到想浪漫一下都冇問題
總括而言，The Salted Pig 俾我好大嘅驚喜！雖然價錢偏貴，但每樣菜式都超水準發揮，個人最強烈推薦煎海鱸魚柳海鮮燴！🥰一道菜帶俾你唔同體驗！💕
Post
