金滿堂甜品

Open Now

Now Closed

自從百x豆腐花無再出，好日都唔會特登去甜品店食燉奶燉蛋。有晚食完飯散步時發現呢間野，一見到燉蛋白！椰皇！養顏呢啲字即刻坐低食啦。坐低已聞到陣陣椰皇香，令甜品mode快速啟動桃花仙子入面有桃膠，即係桃樹皮既樹脂，稱有養顏作用，望落似雪蛤膏食落似大菜糕之類既質地。桃膠會另外放喺一碗椰汁入面俾你倒入椰皇度食。主角椰皇&蛋白好食到後悔應該唔好食飯留肚食佢。甜味剛剛好，無搶到椰皇、蛋白既味道之餘，蛋白又滑，真係食到停唔到！點樣可以又夠熱、又滑、又香、又好味！另上既桃膠連椰汁再刮埋啲椰皇肉一齊食，超級滿足又飽肚，宜家淨係打字已經又想衝去食我諗我一個月入面食左3次，絕對可以飯都唔洗食！