Video
Read full review
2014-10-02
2969 views
西貢係小聯合國，區內不乏極具水準嘅各風菜式餐廳。呢間餐廳打正旗號做美洲菜，包括美國及墨西哥菜為主。門口好易認，大大個牛頭標記。店內分上下兩層，每一角落都放滿裝飾品如鎗、蛇頭、獸皮等同泛黃印第安人照片，刻畫美洲原住民嘅生活，坊間十分罕見。菜式都係同其他美式餐廳大同小異，而我比較偏好食美洲菜，尤其係STARTER。CHILI BOWL WITH GARLIC BREAD-$88呢個係用香料，紅腰豆煮成嘅辣肉醬，十分惹味，配蒜蓉包，百吃不厭。QUESADILLAS-$88呢款係傳統墨西哥薄餅，主要材料係薄餅包住半溶嘅芝士，再配四款醬汁，牛油果醬、酸忌廉、辣茄醬同蕃茄洋葱粒，雖然脂肪卡路里超晒錶，但一口熱辣辣鬆化薄餅配芝士已經非常美味，加埋微凍嘅醬汁真係停唔到口。KID RIB-$88呢個係是日驚喜菜式。好多地方都有豬仔骨供應，但唔係間間好食。好多時係唔夠味或者肉質乾且韌。要讚嘅係呢次食嘅KID RIB整得非常入味，而且肉質腍滑多汁，輕輕用刀一切已經骨肉分離，加上焗乾咗嘅燒汁同陣陣燒烤味，唔夠一分鐘已經食晒。CHICKEN SALAD-$118食咁多肉都要食吓沙律平衡吓。呢個雞沙律，係將雞肉絞
西貢係小聯合國，區內不乏極具水準嘅各風菜式餐廳。呢間餐廳打正旗號做美洲菜，包括美國及墨西哥菜為主。門口好易認，大大個牛頭標記。店內分上下兩層，每一角落都放滿裝飾品如鎗、蛇頭、獸皮等同泛黃印第安人照片，刻畫美洲原住民嘅生活，坊間十分罕見。
菜式都係同其他美式餐廳大同小異，而我比較偏好食美洲菜，尤其係STARTER。
CHILI BOWL WITH GARLIC BREAD-$88
呢個係用香料，紅腰豆煮成嘅辣肉醬，十分惹味，配蒜蓉包，百吃不厭。
QUESADILLAS-$88
呢款係傳統墨西哥薄餅，主要材料係薄餅包住半溶嘅芝士，再配四款醬汁，牛油果醬、酸忌廉、辣茄醬同蕃茄洋葱粒，雖然脂肪卡路里超晒錶，但一口熱辣辣鬆化薄餅配芝士已經非常美味，加埋微凍嘅醬汁真係停唔到口。
KID RIB-$88
呢個係是日驚喜菜式。好多地方都有豬仔骨供應，但唔係間間好食。好多時係唔夠味或者肉質乾且韌。要讚嘅係呢次食嘅KID RIB整得非常入味，而且肉質腍滑多汁，輕輕用刀一切已經骨肉分離，加上焗乾咗嘅燒汁同陣陣燒烤味，唔夠一分鐘已經食晒。
CHICKEN SALAD-$118
食咁多肉都要食吓沙律平衡吓。呢個雞沙律，係將雞肉絞碎，再加沙律醬打匀，用雪糕勺整成球型上碟，既方便食用，而且賣相精美。
PORK LOIN-$198
叫番個MAIN COURSE食吓，豬扒比出面食到嘅，明顯JUICY同鬆化，而最欣賞嘅係用燒烤方法烹調，鎖住肉汁兼有炭燒味，感覺WILD,好有風味。配埋濃郁嘅蘑菇汁，食落唔膩口，兼有大自然嘅香氣。另一亮點係作為配菜嘅炸薯條，已經戒咗M仔薯條嘅我，都忍唔住消滅咗半份。
是日美中不足嘅係，老闆話由於酒牌問題，暫時無酒賣，直至另行通知，但唔反對客人自攜酒水，仲可免開瓶費，如果早知，我哋自備餐酒，就真係完美。
Post
