Maki拉麵 (Moved) New Location

喺油麻地發現一間隱蔽拉麵店，門口充滿着日本風情。令我諗起東京拉麵街。一入到去店員到佢好內心推薦你邊款拉麵期間限定，鍾意嘗試新事物嘅我，當然試吓傳說中嘅藍色拉麵，即係雞湯底。本身諗住味道唔會好驚喜，然後終於嚟到嘅時候，梗係試咗一啖湯先，濃烈嘅雞湯味，好出色。然後流心雞蛋上邊有一支好細嘅管，係自己放啲汁入去 ，酸酸甜甜好開胃。然後我已經好快食晒成碗拉麵。佢哋嘅雞軟骨餃子都係老闆娘極力推薦，唔食雞軟骨嘅我都覺得呢款餃子好好食。而串燒我只係試咗鰻魚串燒，可能我本身鍾意食鰻魚關係，呢個鰻魚串燒我比一百分 ，因為佢整完出嚟都仲係見到有啲煙，佢嘅皮係脆卜卜好好食。然後店裏裝修的風格，都是我超喜歡的日本風格。打卡一流。但係唔多位置，建議想食嘅朋友都要早少少去排隊。