Video
Read full review
2016-07-19
1668 views
想舒適得嚟又可以慢慢享受韓燒？我即刻諗起呢間位於北京道一號既金饍，有view 又寬敞。前菜有6款，主要係蔬菜類。比食肉獸均衡飲食XD先嚟一set 牛肉 $580，有「佐賀和牛肉眼」、「黑毛和牛牛柳」、「黑毛和牛西冷」、「極上一口牛」及「岩鹽燒薄切上等牛舌」。牛舌夠薄，款款都牛味濃，多汁肉嫩，燒完都唔會韌。脂肪分佈平均，上等之選～燒完之後點d鹽 再用生菜包，口感清新好fresh. 減低熱氣感。之後再叫左隻龍蝦 店員好nice，先放低隻生龍蝦比我影相，之後先再拎入廚師燒熟比我。因為自燒會比較麻煩。過左一陣，龍蝦開邊燒熟左拎返出嚟上枱。 龍蝦肉質鮮生彈牙啖啖肉，龍蝦頭更是惹味。再叫多隻原隻鮑魚 肉上已有調味，已經切成片，自己燒都好方便。肉質鮮甜，燒完都夠稔。忽然想食鯖魚所以叫左。魚皮燒脆左，肉質唔鞋，滴上檸檬汁更惹味。服務--》唔錯，有禮貌，上菜快。臨走仲比左coupon我：午市 ： 滿$100減$50晚市：滿$600減$200 甘既環境同質素，好抵食！
想舒適得嚟又可以慢慢享受韓燒？我即刻諗起呢間位於北京道一號既金饍，有view 又寬敞。
前菜有6款，主要係蔬菜類。比食肉獸均衡飲食XD
先嚟一set 牛肉 $580，有「佐賀和牛肉眼」、「黑毛和牛牛柳」、「黑毛和牛西冷」、「極上一口牛」及「岩鹽燒薄切上等牛舌」。
牛舌夠薄，款款都牛味濃，多汁肉嫩，燒完都唔會韌。脂肪分佈平均，上等之選～
燒完之後點d鹽 再用生菜包，口感清新好fresh. 減低熱氣感。
之後再叫左隻龍蝦 店員好nice，先放低隻生龍蝦比我影相，之後先再拎入廚師燒熟比我。
因為自燒會比較麻煩。
過左一陣，龍蝦開邊燒熟左拎返出嚟上枱。 龍蝦肉質鮮生彈牙啖啖肉，龍蝦頭更是惹味。
再叫多隻原隻鮑魚
肉上已有調味，已經切成片，自己燒都好方便。肉質鮮甜，燒完都夠稔。
忽然想食鯖魚所以叫左。魚皮燒脆左，肉質唔鞋，滴上檸檬汁更惹味。
服務--》唔錯，有禮貌，上菜快。臨走仲比左coupon我：
午市 ： 滿$100減$50
晚市：滿$600減$200
甘既環境同質素，好抵食！
Post
