立体派拉麵 (威靈頓街)

Open Now

Now Closed

看 openrice 人氣好似好高，專登搵日來試下。間鋪係威靈頓街一條小巷內，仲要落樓梯先會見到，隱蔽到啊，一個唔小心就會錯過。兩個人，叫佐一個芫荽拉麵，一個醬油拉麵，再加一隻溏心蛋，一份煎餃，一枝柚子汽水。裝麵個碗特别巨大，可能是我食過咁多地方嘅拉麵所見過最大嘅碗了，芫荽拉麵嘅芫荽好多，醬油拉麵就落好多京蔥絲，摆碗都幾好看，但啲芫荽同京蔥只是純粹鋪係碗拉麵嘅上邊，而湯底係冇芫荽或者京蔥味嘅。百零蚊一碗麵，只得一片薄到紙咁嘅叉燒，芫荽話就話系大阪芫荽，聽住就好啦。芫荽拉麵湯底偏咸，醬油拉麵湯底好似落佐鰹魚干，食完口中仲有陣魚干嘅香味。唔算差，OK 啦。但以咁嘅價錢來講，又唔可以話好好，不過不失啦。