巨一麵堂 (Closed)

今日同女朋友經過入咗去呢間野，自問平時經常食拉麵，呢間實在太垃圾所以決定寫食評，叫咗醬油叉燒拉麵同埋炸豬扒拉麵，先講呢度嘅環境，食拉麵最棹忌通風設備做得唔好，冷氣唔夠,要人一路食一路流汗，所以呢度係可以做得好啲，衛生算係做得OK，起碼唔會覺得污糟，但食物水準真心有待改善.先講拉麵，既然呢度用得麵堂兩字，拉麵水準，唔應該咁垃圾，以八十幾蚊一碗拉麵來講10分滿分我只會比一分，首先麵底係百佳可以買到嘅麵底，真心平時超市有賣嘅十六蚊味千拉麵拎返去煮個啲，麵底好過佢多多聲，更加唔好話同出邊有水準嘅拉麵店比，湯底更加不知所謂，成碗都係味精湯，一味得個咸字，同飲雞粉湯冇分別，其他配料來講，糖心蛋算係做得中規中矩，唔難食，但係豬扒亦都係整得好差，只可以話係熟咗重味精味嘅豬扒，一味得個咸字又係. 服務態度還可以，亦都係中規中矩.總之呢間嘢食個冇下次，亦如標題愧對麵堂二字！鍾意食拉麵嘅朋友我十分吾建議！咁嘅價錢可以去銅鑼灣食返啲有水準嘅拉麵！