小食快綫

Open Now

Now Closed

呢間店真係越嚟越差，排隊亂咁黎，恃住店內有幾部8達通機收錢，做嘢既阿嬸有時鐘意用呢部，有時鐘意用嗰部。我同前面一位女士，係門口八達通機排緊隊，但左邊門口，有啲人直入去入面部機，啲阿嬸一於少理，照落單。 我都未話佢制造排隊混亂，到我落單時，嫌我講得慢，新冠後反應慢少少啫，要load 一下，無諗過竟然會俾人歧視，平機會有無得投訴？ 我影相，啲職員仲好巴閉咁講：影啦！阿姐唔做架啦！ 又話：有錢食飯就唔使受氣之類的說話。我真係覺得有被侮辱的感覺，乜原來幫襯佢地就要受氣？ 幫襯佢哋等如無錢食飯？ 呢啲人咁嘅態度，點解可以對客？ 真係唔做就正確，根本係錯配，而呢度負評佢的人就唔駛背脊骨落，話時話唔會再幫襯。如果將佢哋同其他同類店舖比較，我都覺得拉低左其他店。