Espresso Alchemy

Open Now

Now Closed

行完街街想同朋友搵間環境好，唔好咁嘈既cafe慢慢傾。搵下搵下就黎到美麗華basement既Espeesso Alchemy. 我地雖然2個女仔 有選擇困難症因為d飲品杯杯都好特別。店舖用料好大膽 有啲飲品會把茶類、咖啡主題、酒精類混合而成。我最終叫左citron vodka 同mint chocolate ! 我好鍾意citron vodka 酸酸地 酒味又唔會太濃 重點係有粒圓轆轆既冰夠晒冰涼同埋適合我港女打卡！另外個杯薄荷朱古力亦都唔會太甜，好好味。食物方面我係牛油果控所以叫咗smashed avocado Toast。一見到心情好好綠油油青青小草地咁好得意，而且好適合女士下午茶 份量適中而且好健康。Toast係用有燕麥既包包整既 口感特別好。而我朋友就選擇左All day breakfast. 好香噴噴 因為d薯粒同埋腸仲有牛角麵包都焗到好香酥。 當中仲有煙三文魚 味道適中 唔似其他店咁醃製到咸一咸。我地最欣賞佢個咖啡jam吐司不但焗到香香脆脆佢嘅咖啡味好濃郁又唔會太甜。如果間店有得一樽樽咁買我一定買返去日日用黎搽麵包食！