Video
Read full review
2022-05-22
1311 views
⭐️⭐️⭐️⭐️⭐️📍彤福軒 (Rosewood Hong Kong @ TST)🍴早兩個月前就預約好Rosewood嘅中菜廳，諗住適逢母親節就帶咗爸爸媽媽食好啲，多謝佢哋咁多年嘅照顧💕餐牌有a la carte menu同套餐選擇，貪心嘅為食妹就揀咗兩款套餐，可以一家人試到多啲菜式😆~ 點心套餐 ($580)• 松茸遼參燒賣、順德拆魚餃、鹹檸檬星斑餃🍴首先有點心拼盤，遼參爽口彈牙令到豬肉燒賣感覺矜貴咗👑，順德拆魚餃造型似一條魚相當可愛，內饀係嫩滑嘅魚肉，鮮甜好味👍🏻，鹹檸檬星斑餃外皮染上黃色，內裡嘅星斑魚肉加上陳皮碎同鹹檸檬，味道不違和仲相當清新，非常特別😋• 順德拆魚羹🍴魚羹一啲都唔腥仲好鮮味，湯底呈奶白色，配料有桂花魚肉、筍絲、冬菇絲同蛋絲，加上少許胡椒粉就更加惹味😍• 芋茸香酥鴨🍴淨係睇賣相已經知道有幾脆，廚師以香滑芋茸包住鴨肉，再用豬油網包住炸起，食落多種層次超好食😎• 濃湯鳳眼果燴菠菜苗🍴本身為食妹唔係好鐘意食白果因為覺得會苦又有怪味😖，呢道菜嘅白果比平時岀面食嘅大粒，又以濃湯燴腍咗同入哂味所以都無咩苦味，菠菜苗亦都無澀味，不過濃湯略嫌太稠，賣相唔係幾靚🙈• 上湯鮮蝦魚皮角🍴廚師將三
📍彤福軒 (Rosewood Hong Kong @ TST)
🍴早兩個月前就預約好Rosewood嘅中菜廳，諗住適逢母親節就帶咗爸爸媽媽食好啲，多謝佢哋咁多年嘅照顧💕
餐牌有a la carte menu同套餐選擇，貪心嘅為食妹就揀咗兩款套餐，可以一家人試到多啲菜式😆
~ 點心套餐 ($580)
• 松茸遼參燒賣、順德拆魚餃、鹹檸檬星斑餃
🍴首先有點心拼盤，遼參爽口彈牙令到豬肉燒賣感覺矜貴咗👑，順德拆魚餃造型似一條魚相當可愛，內饀係嫩滑嘅魚肉，鮮甜好味👍🏻，鹹檸檬星斑餃外皮染上黃色，內裡嘅星斑魚肉加上陳皮碎同鹹檸檬，味道不違和仲相當清新，非常特別😋
58 views
0 likes
0 comments
• 順德拆魚羹
🍴魚羹一啲都唔腥仲好鮮味，湯底呈奶白色，配料有桂花魚肉、筍絲、冬菇絲同蛋絲，加上少許胡椒粉就更加惹味😍
35 views
0 likes
0 comments
• 芋茸香酥鴨
🍴淨係睇賣相已經知道有幾脆，廚師以香滑芋茸包住鴨肉，再用豬油網包住炸起，食落多種層次超好食😎
35 views
0 likes
0 comments
• 濃湯鳳眼果燴菠菜苗
🍴本身為食妹唔係好鐘意食白果因為覺得會苦又有怪味😖，呢道菜嘅白果比平時岀面食嘅大粒，又以濃湯燴腍咗同入哂味所以都無咩苦味，菠菜苗亦都無澀味，不過濃湯略嫌太稠，賣相唔係幾靚🙈
42 views
0 likes
0 comments
• 上湯鮮蝦魚皮角
🍴廚師將三隻魚皮角化身成三條鯉魚，造型有心思☺️，味道亦非常唔錯，上湯鮮甜，饀料彈牙，好味😋
30 views
0 likes
0 comments
• 香滑芝麻卷 配 順德倫敦糕
🍴最後係自家製芝麻卷同白糖糕，芝麻卷芝麻味非常濃烈，口感彈牙而且甜而不膩😊，白糖糕夠鬆軟，一啲都唔酸，好耐無食過咁高質嘅中式糕點😌
19 views
0 likes
0 comments
~ 品味彤福套餐 ($780)
• 富貴瀨尿蝦餃、南翔灌湯小籠包、黑松露竹笙上素餃
🍴瀨尿蝦餃都係第一次食，瀨尿蝦非常厚肉，獨有嘅鮮甜味加上薄薄嘅餃皮，略嫌淡味但口感唔錯😉，小籠包都算皮薄饀多又多湯汁，加埋薑絲同少少老陳醋perfect哂😆，素餃好香黑松露味，內饀有幾款素菜，味道唔錯🙂
54 views
0 likes
0 comments
• 天白菇竹笙燉菜膽
🍴呢款燉湯雖然係素湯，但大大粒嘅天白菇再加菜膽令湯頭非常鮮甜，竹笙亦都超大塊，爽脆清甜👍🏻👍🏻
• 川椒炒帶子
🍴帶子以川椒炒起再配以炸魚皮上碟，配搭新穎，但美中不足係帶子炒得有啲過熟，肉質偏實唔夠juicy🥲
25 views
0 likes
0 comments
• 瑤柱蝦乾煮茭白
🍴蝦乾有成隻手指咁長🫢，肉質厚實蝦味濃郁，瑤柱上湯煮成嘅茭白筍爽脆入味，估唔到筍絲可以咁好食🤩
• 手打魚腐湯米線
🍴廚師自家製嘅手打魚腐同平時食開譚仔嗰啲好唔同，魚腐好輕盈，好似食緊一舊帶有魚鮮味嘅白雲一樣☁️，入口即化😍，魚湯米線亦非常爽口，為食妹連湯都飲哂，仲要無口渴添👏🏻👏🏻
20 views
0 likes
0 comments
• 楊枝甘露、桃仁薩琪瑪
🍴最後亦有自家製嘅楊枝甘露同瑪仔，楊枝甘露芒果好香甜而且份量不少😊，瑪仔就稍為失色，口感偏硬唔夠鬆化😅
15 views
0 likes
0 comments
💬為食妹同爸爸媽媽都非常滿意呢兩個套餐嘅菜式🥰，菜式配搭有傳統嘅有創新嘅，每道菜都感受到廚師用心帶岀食材原有嘅鮮味😌，非常推薦大家帶屋企人一試💁🏻♀️
—————————
⭐️⭐️⭐️⭐️⭐️
💲💲💲💲
Post
