夏娃 (Closed)

放假就係要Hea，去呢度Hea就啱晒，叫D小食叫個Main Course飲吓啤酒，過一個懶洋洋嘅下午。先點啤酒先，叫咗5號仔Tap 5，呢隻德國手工啤好飲，好fruity好香果味，配住肉類邊飲邊食一樂也。德式蝸牛香腸 - 開頭以為咁大舊肉會好滯，點知肉味好香，食下食下唔覺唔覺就食晒，沙律菜夠新鮮好味。薯條 - 就係薯條咁簡單啦，餸酒必備。西班牙海鮮炒飯 - 其實脆皮豬手同西班牙海鮮炒飯二選一，最後決定食西班牙海鮮炒飯，海鮮多過飯，D海鮮都唔錯，炒飯炒得夠乾身，好味道。