廣成冰室 (Under Renovation)

假期既話實排隊排到成粒鐘先食到，所以特登揀平日，果然去到真係唔使排隊。今日就揀咗食菠蘿包，牛肉通粉同凍奶茶。睇啲食評話佢啲牛肉通粉好濁，又真係幾濁既，係一鍋由朝煮到晚嘅牛肉汁，你可以話係精華既，兩睇啦。不過講真牛肉又真係冇乜牛肉味嘅，今次啲碗有薑絲，可以話係辟咗少少酥味，食嘅可能係一種回憶啦！另外菠蘿油今次唔加油啦，菠蘿包軟綿綿，個皮都脆的。好就係好在杯凍奶茶，茶底香，啲冰係紅豆冰未鑿開嘅冰，加埋黑白奶簡直係絕配！你話值唔值得排隊，假期我一定唔啦，人群恐懼症啊，平日得閒冇嘢做又想食下懷舊冰室啲嘢，都可以一試既。價錢方面，依家紅豆冰都要$26一杯，常餐就$42，不過呢，食得開心就得啦