香港永年車仔麵茶冰廳

Open Now

Now Closed

黎食車仔麵見佢夜晚變身懷舊扒房，塊綠色格仔布仲加左唔少分。即刻轉軚叫左挪威三文魚扒餐同美國頂級西冷餐，食過就知抵食夾大件！三文魚扒超厚，自己買都未必買到咁大塊。皮勁香，叫個普通洋蔥汁都好好食。塊西冷當然都係重量級，5成熟非常軟淋juicy。原來佢地個秘制辣汁做鐵板牛都好鬼夾，增加肉香又惹味！旁邊放個小雜菜鐵板係靚同幾驚喜，香噴噴，顏色搶眼，多種類，仲有少少牛油香菇，認真豐盛！沙律有得揀！牛油果薯仔蝦沙律同雞扒咸魚凱撒沙律都好好好食；前者每樣材料都新鮮均等，尤其係唔膩嘅薯蓉：後者用咸魚代替平時嘅煙肉，出奇地perfect match!熟蝦醬通菜、韮菜豬紅呢啲經典招牌野唔洗講係必點，要好食唔係度度有。豬紅夠入味韮菜無渣，熟蝦醬夠香夠咸，正到痺！成日想試下樽仔奶茶同普通凍奶茶分別，今次就知，樽仔奶茶完勝，茶味滑度濃度一定係樽仔奶茶。