潮州合成甜品

Open Now

Now Closed

香港地痞式既糖水舖真係買少見少，難得嚟到九龍城，一定要去合成糖水嘆返碗中式甜品，特別以前喺呢區讀書，零舍覺得有人情味。我哋叫分別叫咗兩碗糖水，第一碗係綠豆邊清心丸馬蹄沙，清心丸食落好有咬口，煙煙韌韌，係呢種秋高氣爽嘅日子裏面，暖笠笠嘅馬蹄沙加添左一份滋潤，細細粒爽爽嘅馬蹄，加上煮到好淋身嘅綠豆邊，提升左成碗甜品嘅層次。第二碗糖水係腐竹糖水雞蛋再加清心丸。腐竹雞蛋口味濃郁，腐竹味道清甜，配上清心丸爽口彈牙嘅口感，令整天嘅心情變好。人情味嘅店舖現時真係越來越少，所以大家如果想回味一番，不妨到此一遊！