Video
Read full review
2014-12-13
1702 views
今晚要在粉嶺食晚飯，對自己好啲！問定住附近同事！佢介紹呢間扒房，去到門口已經覺得好有懷舊味道，白牆加紅帳篷，好似跑馬地間Amigo嘅感覺，推開門直頭去咗七十年代感覺！白牆籐椅木枱，加籐燈罩！店員安排我坐窗邊一張四人枱，因為我張枱剛在柱邊，坐得比較窄，可以望到窗外！但出面路人望唔到入面！ 套餐有好多選擇，扒類、拼盤、意粉類！同事話焗意粉好味！但我想食牛扒，又覺得呢啲扒房有保證！就叫個晚餐「扒西冷牛扒」（$88）！好快就上個紅湯羅宋湯及餐包，羅宋湯夠熱，好濃味，酸酸微辣，湯料中有牛腩碎及紅蘿蔔條，增加口感！餐包細細個，熱辣辣，我無搽牛油，直摵開點湯食，麵包好鬆軟，點埋湯好食！牛扒之後上，賣相幾好，牛扒唔大份，切開做到我要求嘅5成熟，咬一啖，淋身有肉汁，點黃芥辣更加提升了味道，黃芥辣滑身攻鼻，但又有一條筋，好韌咬唔開，結果係成塊扒都有條筋橫跨在中間，破壞晒本來味道唔錯嘅牛扒！我跟薯菜，份量好多，薯條粗身淋身，唔點茄汁，直接用燒汁點來食，好薯味，好食，蔬菜有爽脆四季豆及淋身紅蘿蔔仔！可以平衡牛扒油膩感！燒汁唔杰，質地滑身，味道剛好！ 之後上啫喱同熱檸茶，盛載菠蘿啫喱嘅金屬杯好懷舊，啫喱味道
套餐有好多選擇，扒類、拼盤、意粉類！同事話焗意粉好味！但我想食牛扒，又覺得呢啲扒房有保證！就叫個晚餐「扒西冷牛扒」（$88）！
好快就上個紅湯羅宋湯及餐包，羅宋湯夠熱，好濃味，酸酸微辣，湯料中有牛腩碎及紅蘿蔔條，增加口感！餐包細細個，熱辣辣，我無搽牛油，直摵開點湯食，麵包好鬆軟，點埋湯好食！
牛扒之後上，賣相幾好，牛扒唔大份，切開做到我要求嘅5成熟，咬一啖，淋身有肉汁，點黃芥辣更加提升了味道，黃芥辣滑身攻鼻，但又有一條筋，好韌咬唔開，結果係成塊扒都有條筋橫跨在中間，破壞晒本來味道唔錯嘅牛扒！我跟薯菜，份量好多，薯條粗身淋身，唔點茄汁，直接用燒汁點來食，好薯味，好食，蔬菜有爽脆四季豆及淋身紅蘿蔔仔！可以平衡牛扒油膩感！燒汁唔杰，質地滑身，味道剛好！
之後上啫喱同熱檸茶，盛載菠蘿啫喱嘅金屬杯好懷舊，啫喱味道普通，裡面嘅罐頭菠蘿都係普通！我唔食花奶！唔係加少許花奶會滑啲！熱檸茶夠熱，茶味濃而唔澀，好味！
店員身穿最舊式嘅制服！服務就唔勤快但正常！欣賞係會食完一樣先比另一樣！唔會一之過上晒所有食物！但唔好係水吧賣相比較粗糙，羅宋湯碗邊沾滿湯（係過份嗰隻 ），熱檸茶杯又係沾滿檸檬肉！如果呢啲位置細緻啲會更好！
餐廳唔會趕人，慢慢來，食了一餐好悠然嘅晚飯！
Post
