拉麵來 (Closed)

已經係第二次嚟食啦！今次有午市套餐，除咗拉麵之外，仲有汽水同埋小食可以配埋👍🏻感覺抵好多😋1️⃣山葵蟹肉拌麵（$128）食到啖啖蟹肉同蟹膏🤤而且蟹肉蟹膏份量足夠，係幾正😍山葵方面唔辣但攻鼻，夾埋麵同蟹肉一齊食都夾嘅🙌🏻麵質方面就有啲似伊麵～唔係拉麵嘅感覺～值得一試！2️⃣香濃雞白湯拉麵（$92）上枱時另附一球骨膠原加入湯裏面🤣好有趣！但加完都覺得雞白湯唔算濃🤔而叉燒燒得幾香🙌🏻鍾意嘅話可以加入高菜去食，會變得辣辣地幾過癮😝overall正常發揮，不是話好好食~3️⃣蝦餅(跟餐）入口幾彈牙👍🏻但偏鹹～味道都還好。小食嚟講就真係細細地兩舊，唔好期望有好多🤣4️⃣自家製餃子（跟餐）見到食評好多人都推介個餃子～但覺得未算好出眾🤔但當然都好食，而且咬落有肉汁，皮都薄🙌🏻5️⃣日本糖心雞蛋（$12）因為拉麵冇附送糖心蛋😫所以就自己加錢。上嘅時候嘅凍食嘅，食落都係夠流心👍🏻而且味道濃郁！都係值得試😋📍總結：-蟹肉麵比我預期中多蟹肉，推介👍🏻-相反，雞飯湯白同我預期有啲距離，所以會建議大家食其他🙈-對於附送嘅粟米有啲驚喜🤣牛油粟米整得幾好食！