糕點時光

Open Now

Now Closed

北角上完堂放學，去咗糕點🥮時光，之前去過一次，點知收6:30，今次早咗，未閂，去到冇人，得老闆娘㩒下電腦💻，QR code落單，糕點選擇都多，紙本menu冇圖，有d亂，反而電子落單有圖有真相🤨，仲要多埋個本日最「糕」-糕點拼盤$68，因為食唔哂9件拼盤，食1款又唔知揀乜，所以4款係中庸之道，就揀咗。應該係新鮮整，都等咗20分鐘。上菜時發現有4件糕點🥮，但老闆娘冇介紹，自己估返係乜，都有諗過問老闆娘食邊件先，但我怕醜🙈唔敢問。自己決定食砵仔糕先，有個迷你瓦碗，砵仔糕彈牙，唔太甜，係好食既。第二🥈件食我揀糍粑（糯米糍），一啖咬落去，個皮煙韌，入面爆花生🥜，足料。第三🥉件試菲林🎞️卷，即黑芝麻卷，有支黑芝麻醬自己唧，個卷都幾多層，彈牙。最後食最大件既雙色西米糕，有蕃薯🍠同紫薯，咬咗啖，個皮皓皓食，入面餡都皓足料。最後埋單現金💰或八達通。要搵次機會食9件拼盤同飲特飲，不過要預充足時間